Spínatsalat og japanskur kjúklingaréttur
Matgæðingar í 33. tbl ársins 2017 voru þau Kristín Ingibjörg Lárusdóttir sem er innfæddur Blönduósingur og Gunnar Kristinn Ólafsson sem kemur frá Hvolsvelli. Þau eiga fjögur börn og búa á Blönduósi þar sem þau eiga Ísgel ehf. ásamt bróður Kristínar og mágkonu. Gunnar starfar hjá Ísgel en Kristín er leiðbeinandi í Blönduskóla.
„Við höfum mikinn áhuga á því að ferðast og við rekum hjólhýsaleigu á sumrin. Við höfum bæði mikinn áhuga á matargerð og finnst okkur gaman að bjóða fjölskyldu og vinum í mat. Kjúklingasalatið er mjög vinsælt í fjölskyldunni og er oft á óskalista að hafa í matinn. Dóttur okkar finnst það svo gott að hún valdi að hafa þennan kjúklingarétt í fermingarveislunni sinni og það vakti mikla lukku,“ segja þau Kristín og Gunnar.
RÉTTUR 1
Guðdómlegt spínatsalat
100 g waterchestnuts
1½ rauðlaukur
500 g frosið spínat (afþítt)
1 pk. púrrulaukssúpa
1 dós sýrður rjómi
3 msk majones
smá salt
Aðferð:
Byrjið á því að afþíða spínatið. Klippið það niður eins smátt og þið getið og blandið saman við, setjið síðan sýrða rjómann saman við ásamt majonesinu og blandið vel saman ásamt smá salti. Ef ykkur finnst salatið ekki nógu blautt þá setjið þið bara aðeins meira af sýrðum rjóma saman við. Salatið er mjög gott daginn eftir og jafnvel betra! Hentar vel með niðurskornu baquett-brauði, alls konar kexi og hrökkbrauði.
RÉTTUR 2
Japanskur kjúklingaréttur
½ bolli olía
¼ bolli balsamic edik
2 msk sykur
2 msk sojasósa
Setjið allt í pott og sjóðið saman í u.þ.b. eina mínútu. Takið af hitanum og hrærið annað slagið í á meðan blandan kólnar (til að sósan skilji sig ekki).
1 poki núðlur (instant súpunúðlur) – ekki kryddið
3-4 msk möndluflögur
1-2 msk sesamfræ
Brjótið núðlurnar smátt niður. Ristið á þurri pönnu, byrjið á núðlunum (því þær taka lengri tíma) og bætið svo möndlum og semsamfræjum á pönna. Ath. að núðlurnar eiga að vera stökkar. Leggið til hliðar.
kjúklingabringur
sweet hot chillisósa
Skerið kjúklingabringurnar í strimla og snöggsteikið í olíu. Hellið sweet chillisósu yfir og látið sjóða við vægan hita um stund.
salatpoki eða iceberg salat
kirsuberjatómatar
mango
rauðlaukur
Skerið niður og setjið í botninn á fati. Stráið ristuðu núðlublöndunni yfir, hellið svo balsamicsósunni yfir og að lokum er kjúklingaræmunum dreift yfir.
RÉTTUR 3
Oreo-og karamellu-súkkulaðibaka
36 Oreo kökur
120 g + 120 g smjör
¼ bolli + 1 bolli rjómi
⅔ bolli púðursykur
340 g dökkt súkkulaði
Aðferð:
Byrjið á að búa til botninn, best er að notið lausbotna kökuform. Setjið Oreo kökurnar í blandara og myljið þær vel. Bræðið 120 g af smjöri og hrærið saman við kökurnar. Hellið blöndunni í kökuformið og þjappið í botninn og upp með hliðunum á kökuforminu. Ef þið eruð með 24 cm form er óþarfi að láta deigið ná alla leið upp, ⅓ dugar. Ef formið er minna má það ná vel upp eða að minnsta kosti ⅔. Kælið botninn í að minnsta kosti 15 mínútur.
Næsta mál á dagskrá er að útbúa karamelluna. Setjið púðursykurinn og 120 g af smjöri í pott á miðlungs hita. Bræðið smjörið og hrærið því saman við púðursykurinn og hrærið stanslaust. Þegar blandan fer að sjóða er mikilvægt að hræra stanslaust í eina mínútu, takið af hitanum og hrærið saman við ¼ bolla af rjóma þar til karamellan er kekkjalaus. Látið karamelluna kólna.
Brytjið niður súkkulaðið og setjið það í skál. Hitið einn bolla af rjóma að suðu og hellið síðan yfir súkkulaðið. Hrærið saman þar til allt súkkulaðið er bráðið.
Takið botninn út úr ísskápnum, hellið karamellunni yfir botninn og hellið svo súkkulaðinu yfir karamelluna. Stráið flögusalti yfir eftir smekk.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.