Setti á sig svuntuna og reyndi sitt besta
Matgæðingur vikunnar í tbl 39 var Magnús Ásgeir Elíasson sem býr á Stóru Ásgeirsá í Húnavatnssýslunni. Þar stundar hann smá búskap ásamt því að reka hestaleigu og gistingu. Vinkona hans á næsta bæ, Sigríður Ólafsdóttir í Tungu, skoraði á hann að taka þetta verkefni að sér því hún taldi hann vera betri kokk.
Magnús var nú ekkert sérlega kátur með þessa áskorun en ákvað að taka þetta á jákvæðu nótunum, setti á sig svuntuna og reyndi sitt besta. Það sem kom fyrst upp í huga hans var hafragrautur með rjóma og púðusykri eða skyr með rjóma en það er eitthvað sem allir kunna að gera og varð því eitthvað allt annað fyrir valinu í þennan þátt.
Lambafille
1,2 kg af lambafille – miðað við fjóra fullorðna
Aðferð:
Skera rákir í fituna. Strá smá salti og pipar á kjötið. Skella því svo á grillið en ekki of lengi samt.
Sósa:
1 stk. steyptur sveppaostur
500 ml rjómi
Skera sveppaostinn í bita, setja í pott, hella rjómanum í pottinn og hita upp. Hræra reglulega í svo sósan endi ekki í kekkjum.
Meðlæti:
Skera kartöflur, sætar kartöflur og lauk í hæfilega bita. Setjið í eldfast mót. Kryddið með salti og pipar og hellið svo dass af olíu yfir herlegheitin og inn í ofn. Hitið ofninn í 200°C og bakið í 30-40 mínútur eða þangað til að grænmetið er orðið meyrt í gegn og hefur tekið smá lit. Gott að hræra upp í grænmetinu á 10 mínútna fresti.
Svo er gott að njóta með góðu rauðvínsglasi.
Kjötsúpa Magga
- uppskrift að 40 lítra súpu
3-4 stk. lambaframpartar
3-4 stk. lambalæri
Dass af salti
2 pokar súpujurtir
Dass af pipar
5-6 stk. rófur
2 kg kartöflur
2 kg gulrætur
5-6 stk. lauka
Dass af hrísgrjónum
Slatta af súpukröftum
Dass af sojasósu
Smá pizzu krydd
Dass af lambakrafti
Aðferð:
Setjið kjötið í stóran pott ásamt öllu framangreindu, bætið hæfilega miklu vatni í og sjóðið í sex klukkuktíma. Áður en allt er sett í pott er gott að skera niður allt grænmetið í góða munnbita.
Magnús skorar á Ólöfu Rún Skúladóttur á Sólbakka II að taka við og er hún einmitt í tbl 42 sem kom út á miðvikudaginn.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.