Rækjur, kjúklingabringur og myntudraumur.
Það eru þau Sólveig Arna Ingólfsdóttir og Andrés Geir Magnússon á Hellulandi í Hegranesi sem gefa lesendum Feykis.is kost á að galdra fram veislu á auðveldan hátt. Þau voru í 34 tbl. Feykis árið 2008 og skoruðu þau á Kolbrúnu Jónsdóttir og Þröst Jónsson á Sauðárkróki að koma með uppskrift að tveimur vikum liðnum.
Rækjur með melónum (Forréttur)
500 gr. rækjur
- ½ hunangsmelóna, skorin í litla bita
- 200 gr. sýrður rjómi
- 2-3 msk. mayonnaise
- Salt og pipar
- Örlítill sykur
- 1-2 tsk. dijonsinnep
- Sítrónusafi
- Aromat krydd
- Sítróna, tómatur, agúrka og steinselja til skrauts
Hrærið saman sýrðum rjóma og majonesi, kryddið með sinnepi, salti, pipar, sykri, aromat og sítrónusafa. Blandið saman rækjum og melónu og skiptið í sex skálar, hellið sósu yfir hverja skál og skreytið með sítrónubátum, tómötum, agúrku og steinselju. Berið fram með ristuðu brauði.
Kjúklingabringur í piparostasósu (Aðalréttur)
- 4 kjúklingabringur
- Kjúklingakrydd
- 4 sn. Lúxusbeikon
- 200 gr. sveppir
- 150 gr. Gouda ostur
- ½ piparostur
Bringurnar eru steiktar á pönnu (ca. 3 mín. á hvorri hlið) Kryddaðar og settar í eldfast mót. Sveppir og beikon er léttsteikt. Helmingnum af ostinum er stráð yfir bringurnar og sveppunum dreift yfir. Beikonið lagt þar ofan á og að lokum er afganginum af ostinum stráð yfir. Þetta er síðan sett í ofn í ca. 10-15 mín. við 200 °c
Piparostasósa
- ½ l. matreiðslurjómi
- 1 ½ piparostur
Rjóminn er hitaður í potti, osturinn brytjaður út í og hrært í þar til sósan er orðin kekkjalaus. Borið fram með pönnusteiktu grænmeti, fersku salati, kartöflubátum og piparsósu.
Myntudraumur (Eftirréttur)
- 1 dl. rjómaostur
- 2 stk. egg
- 8-10 msk. flórsykur
- 1-2 tsk. vanilludropar
- 200 gr. suðusúkkulaði
- ½ l. rjómi
- 10-12 plötur After eight
Rjómaosturinn er hrærður vel þar til hann verður kekkjalaus. Eggin þeytt vel ásamt flórsykri og vanilludropum. Best er að þeyta eggjarauðu og hvítu í sitthvoru lagi og blanda þeim síðan saman. Eggjahrærunni er blandað saman við ostinn, súkkulaðið brætt og því hellt smátt og smátt út í, á meðan hrært er. After eight plöturnar eru brytjaðar og settar út í. Rjóminn stífþeyttur og honum blandað varlega saman við allt. Að lokum er þetta sett í skál eða fat og fryst í 4-5 klst.
Verði ykkur að góðu!
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.