Matgæðingur vikunnar - Gúllassúpa og gerbollur
Það er Árni Geir Sigurbjörnsson sem er matgæðingur vikunnar, tbl 6 2022, að þessu sinni en hann er fæddur og uppalinn á Sauðárkróki. Konan hans, Katla Gísladóttir, á einnig rætur að rekja í Skagafjörðinn en er uppalin á Suðurlandi. Þau eiga saman tveggja ára tvíburastelpur, Hildi Ingu og Telmu Rún. Árni Geir starfar sem smiður og Katla vinnur hjá Mannvit og starfar við brunahönnun.
“Ég er ekki mikið í eldhúsinu en tel samt að ég geti reddað mér þegar á reynir. Uppskriftirnar koma því úr uppskriftabókum Kötlu,” segir Árni.
AÐALRÉTTUR
Gúllassúpa
U.þ.b. 1 kg gúllas
2 hvítlauksrif
2 laukar
3-4 bökunarkartöflur
4 gulrætur
1 rauð paprika
2 dósir niðursoðnir tómatar
1 tsk. paprikukrydd
1 tsk. kúmen
1 teningur nautakjötskraftur
vatn eftir þörfum
salt og pipar eftir smekk
Aðferð: Byrjið á að skera gúllasið í litla bita. Brúnið kjötið og kryddið með salti og pipar. Skerið lauk og hvítlauk og bætið saman við kjötið. Bætið vatni við og sjóðið í u.þ.b, 40 mín. Setið niðursoðna tómata saman við ásamt paprikukryddi, nautakjötskrafti og kúmeni. Skrælið kartöflur og gulrætur, skerið í bita ásamt paprikunni og bætið í pottinn. Látið sjóða í u.þ.b. 30 mín. Lækkið hitann og látið súpuna malla í a.m.k. 1 klst. Því lengur því betra. Súpan smakkast enn betur upphituð daginn eftir. Ómissandi með gúllassúpunni eru nýbakaðar gerbollur með smjöri og osti.
MEÐLÆTI
Gerbollur
400 g hveiti
200 g heilhveiti
1 bréf þurrger
1 egg
2 msk. sykur
4 msk. olía
4-5 dl mjólk og vatn (volgt)
Aðferð: Blandið saman mjólk og vatni í skál og setjið þurrger saman við. Bætið við sykri, eggi og olíu og hrærið. Setjið hveiti og heilhveiti saman við og hrærið og hnoðið. Látið hefast í u.þ.b. 40 mín. Mótið bollur úr deiginu og látið hefast í 20 mínútur til viðbótar. Penslið með þeyttu eggi og bakið í 12-15 mín. við 200°C.
Verði ykkur að góðu!
Árni Geir skorar á æskuvin sinn Þröst Magnússon í Myndun.
Fleiri fréttir
-
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira -
Þeir sem að minna mega sín | Jónína Björg Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 08.40Okkar minnstu bræður sem að ekki ná að hugsa um sig sjálf sökum fötlunar og munu þurfa einhverskonar aðstoð allt sitt líf eru mér ofarlega í huga. Fyrst og fremst vegna þess að í mínu nærumhverfi eru einstaklingar og ömmubörn sem að munu þurfa á slíkri þjónustu að halda. Ég hef unnið mikið með fötluðum bæði hér heima og þegar að ég bjó í Svíþjóð í 8 ár en þar vann ég á heimili fyrir fjölfatlaða.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.