Lambalæri, helst af heimaslátruðu
Það eru þau Auður Björk Birgisdóttir og Rúnar Páll Hreinsson bændur á Grindum í Deildardal sem eiga uppskriftir vikunnar að þessu sinni. -Að loknum sauðburði er gott að verðlauna sig með smá veislu eftir vökunætur og slitróttan svefn síðastliðinn mánuð, sögðu þau þegar uppskriftin birtist fyrst í Feyki árið 2010.
Forréttur
Lauksúpa Geira spræka
- 15 gr smjör
- 3-4 laukar
- 2 hvítlauksgeirar
- ½ dl hvítvín
- 1 tsk tómatpúrra
- 1 lárviðarlauf
- ½ tsk timian
- ½ tsk svartur pipar
- ½ tsk salt
- 1 ltr kjötsoð/vatn og kjötkraftur
Grófsaxið laukinn og hitið hann í smjöri, kraumið hann ekki, bætið hvítlauk og kryddinu út í og hellið síðan soðinu saman við ásamt hvítvíninu. Látið sjóða í 30 mín. Ofan á hverja súpuskál er sett ristuð brauðsneið með osti og er súpuskálin sett í ofn við 250°C þar til ostur er fallega gylltur.
Aðalréttur
Fyllt lambalæri (helst af heimaslátruðu)
Beint á grillið eða í ofninn
- 1 stk skagfirskt læri, úrbeinað
- 100 gr fetaostur (grófmulinn)
- 3 msk ristaðar furuhnetur
- 3 msk rautt pestó
- 3 hvítlauksgeirar
- ½ tsk rósmarín
- ½ tsk basilikum
Þessu er blandað saman og smurt inn í lærið, rúllað upp og lokað með kjötpinnum. Kryddað vel að utan með salti og pipar.
Steikt í ofni: Sett á grind og snúið 1x. Steikt í u.þ.b. einn og hálfan tíma við 180-200°C
Grillað: Hita grillið vel, grillað í u.þ.b. eina klukkustund, snúið á ca 15 mín. Fresti. Lærið látið standa í ca 10-15 mín. áður en það er skorið.
Gott með bökuðum kartöflum, maísstönglum og fersku grænmeti með ristuðum furuhnetum.
Eftirréttur
Essin þrjú-súkkulaðibomba sem tekur enga stund ef gesti ber að garði.
200gr smjör, sykur, súkkulaði – sett í pott og brætt við vægan hita. Tekið af hellunni, látið kólna smástund ef maður hefur þolinmæði.
- 4 egg sett út í ásamt 100gr hveiti.
- Sett í eldfast mót og bakað við 200°c í 15 mín.
- Ps á að vera lin. Frábær með ís og ávöxtum að eigin vali.
Verði ykkur að góðu!
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.