Kjúklingasúpa og guðdómlegt gums
Sigríður Stefánsdóttir og Halldór G. Ólafsson, sem búa í Sænska húsinu á Skagaströnd, voru matgæðingar vikunnar í tbl 43, 2020. Sigríður, eða Sigga hjúkka eins og hún er oftast kölluð af samborgurum sínum, er hjúkrunarfræðingur hjá HSN og vinnur á heilsugæslunni þar sem hún hefur fylgt fólki bókstaflega frá vöggu til grafar. Halldór, sem oftast er kallaður Dóri, er menntaður sjávarútvegsfræðingur en starfar nú sem framkvæmdastjóri BioPol ehf.
Sigga er uppalin í Ólafsvík en Dóri er fæddur og uppalinn á Skagaströnd. Þau kynntust þegar Sigga stundaði nám sitt í Háskólanum á Akureyri. Þau hafa að mestu leyti búið á Ströndinni fögru frá árinu 1998 en með tveggja ára dvöl í Norður-Noregi á árunum 2001-2003. Dóri þykist líka vera trillukarl í frístundum á sumrin og hefur jafnframt tekið að sér samfélagsverkefni á Skagaströnd sem oddviti Sveitarfélagsins Skagastrandar. Þau hjónakornin eiga eina dóttur og tvo syni sem öll eru við það að fljúga úr hreiðrinu. Sigga og Dóri eiga sameiginlegt áhugamál sem er kórsöngur sem hefur á síðustu misserum þróast út í kvartettsöng með góðum vinum á Ströndinni.
AÐALRÉTTUR
Kjúklingasúpa
olía til steikingar
3 hvítlauksrif
1 púrrulaukur
2 rauðar paprikur
1 græn paprika
300 g rjómaostur
1 flaska Chili sósa
0,5l matreiðslurjómi
2-300 ml vatn
1-2 msk. karrý
2 teningar kjúklinga/grænmetiskraftur
salt og pipar
kjúklingabringur eftir efnum og aðstæðum.
Aðferð:
Kjúklingur skorinn í bita og steiktur. Grænmeti skorið og steikt. Chili sósa, rjómaostur og krydd sett í pott og suðan látin koma upp. Grænmeti bætt út í og látið malla. Rjóma, vatni og kjúklingi bætt út í.
Þetta látið sjóða við lágan hita í 30 mínútur, að minnsta kosti. Gott að bera fram með hrísgrjónum og hvítlauksbrauði.
EFTIRRÉTTUR
Guðdómlegt gums
4 eggjahvítur
200 g sykur
sett í skál og stífþeytt
100 g suðusúkkulaði
½ bolli döðlur
½ bolli salthnetur
½ tsk. lyftiduft
Aðferð:
Súkkulaði, döðlur og salthnetur saxaðar saman og þetta blandað varlega við stífþeyttu blönduna ásamt lyftiduftinu. Þessu skipt upp og sett í tvö hringlaga form og bakað við 150°C í 30-40 mínútur. Botnunum leyft að kólna áður en þeyttur rjómi er settur á milli botnanna og ofan á. Súkkulaðirúsínur og salthnetur stráðar yfir rjómann sem skraut.
Verði ykkur að góðu
Fleiri fréttir
-
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira -
Þeir sem að minna mega sín | Jónína Björg Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 08.40Okkar minnstu bræður sem að ekki ná að hugsa um sig sjálf sökum fötlunar og munu þurfa einhverskonar aðstoð allt sitt líf eru mér ofarlega í huga. Fyrst og fremst vegna þess að í mínu nærumhverfi eru einstaklingar og ömmubörn sem að munu þurfa á slíkri þjónustu að halda. Ég hef unnið mikið með fötluðum bæði hér heima og þegar að ég bjó í Svíþjóð í 8 ár en þar vann ég á heimili fyrir fjölfatlaða.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.