Jakob og Sesselja kokka
Jakob Sigurjónsson og Sesselja Sturludóttir bændur á Hóli í Svartárdal voru matgæðingar Feykis árið 2008 og buðu upp á villbráð, grafna gæs í forrétt, hreindýrasteik í aðalrétt og ís í restina.
Grafin gæs
Mjög einfaldur og góður forréttur, grafin gæs borin fram með snittu-brauði og melónu ef vill.
- 1 gæsabringa
- Gróft salt
Bringan er hulin með grófu salti og látin bíða í þrjá klukkutíma. Saltið er skolað af, bringan sett í kryddblönduna og látin vera þar í sólahring. Síðan er hún skorin í fallegar sneiðar og raðað á fat.
Kryddblanda:
- 1 msk. basil
- 1 msk. timían
- 1 msk. dillfræ
- 1 msk. grænn pipar
- 1 msk. salt
- 1 msk. sykur
- 1 msk. svartur pipar (mulinn)
- 1 msk. óreganó
- 1 msk. sinnepsfræ
Sósa:
- 2 msk. púðursykur
- 1 msk. Worchestershire sósa
- 2 msk. rauðvínsedik
- 1 tsk. Dijon sinnep
- 1 dl. valhnetuolía
- salt og pipar eftir smekk
Hreindýrasteik
Þessi réttur er eins og forrétturinn mjög einfaldur. Mjög góð hrein-dýrasteik. fyrir c.a. 8 manns
- 1 kg. góður hreindýravöðvi
- 3 msk. villijurtir
- frá Pottagöldrum
- 3 dl. gott rauðvín
Blandið víninu og kryddinu saman og hellið yfir kjötið. Breiðið álpappír yfir og látið marinerast í u.þ.b. einn sólarhring. Snúið því öðru hverju í leginum. Hitið ofninn í 130-140 gráður, brúnið kjötið á pönnu, við háan hita, á báðum hliðum. Setjið það síðan í eldfast mót með loki eða breiðið álpappír yfir. Steikið í ofni í u.þ.b. 1 klst. Mjög mikilvægt er að hafa hitann þetta lágan og að elda kjötið ekki of lengi.
Hreindýrasósa:
- 1 msk. smjör
- 2 laukar
- 1 l rjómi
- Soð af hreindýri
- 2 msk. villikrydd frá Pottagöldrum
- 1 askja bláber
- Salt
Saxið laukana mjög smátt og mýkið í smjöri á pönnu. Bætið rjóma, soði og kryddi saman við og látið sjóða. Rétt áður en sósan er borin fram eru bláberin sett út í og látin sjóða vel niður, þannig að sósan verði fallega berjablá. Bragðbætt með salti og pipar ef þarf. Gott er að bera fram ferskt salat með þessari villibráð.
Góður ís
- Mjög einfaldur og góður ís.
- 6 stk. egg
- 1 bolli ljós púðusykur
Þeytt vel saman og 1 tsk. af vanilludropum eða Bailys er sett út í.
- ½ l þeyttur rjómi
- 100 gr. brytjað Toblerone
Rjómanum og Tobleroninu er bætt út í eggjablönduna. Þetta síðan fryst í skemmtilegum ílátum.
Verði ykkur að góðu.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.