Ís kökur og einfaldir eftirréttir
Eftir guðdómlega jólamáltíðina er fátt sem gleður bragðlaukana meir en hinn fullkomni eftirréttur. Margir bjóða upp á það sama ár eftir ár en aðrir eru alltaf að leita að einhverju nýju til þess að prófa í ár. Við fórum á stúfana og fundum nokkrar dúndur uppskriftir sem sóma sér vel sem eftirrétturinn þessi jólin.
Koníaksbættur rjómi
Fullkomin viðbót við jólaísinn eða ávextina
¼ lítri rjómi
2 msk flórsykur
2 eggjarauður
2 msk koníak
Aðferð: Flórsykur og eggjarauður þeytt vel saman og síðan er stífþeyttum rjómanum blandað varlega saman. Síðast er koníakið sett saman við og hrært varlega.
Heitar perur
1 dós perur
4 eggjahvítur
4 msk flórsykur
150 g súkkulaði
Stífþeytið saman eggjahvítur og flórsykur. Takið eldfast mót og raðið perunum í botninn og þekið því næst með eggjahvítumassanum. Bakað við 110 gráður þangað til massinn hefur tekið fallegan lit. Súkkulaðið er brætt og hellt yfir. Kakan er síðan borin fram með ís.
Snickers ís
5 dl rjómi
100 g púðursykur
1 tsk vanillusykur
4 stk snickers smátt söxuð
4 eggjarauður
Eggjarauður og púðursykur er þeytt vel saman. Vanillusykri bætt saman við. Því næst er rjóminn þeyttur og bætt ásamt snickersinu varlega saman við. Sett í form og fryst.
Rommkúluís
6 eggjarauður
6 eggjahvítur
½ bolli sykur
Vanillusykur
2 pelar rjómi
100 g rommkúlur
Eggjarauður þeyttar saman við sykurinn. Rommkúlum og vanillu bætt saman við. Rjóminn þeyttur og rommkúlublöndunni blandað varlega saman við. Eggjahvíturnar stífþeyttar og blandað út í. Sett í fallegt form og fryst í sólahring.
Rommý ísterta
2 eggjarauður
3 msk sykur
1 peli rjómi
½ dl kalt kaffi
5 stk Rommý
Eggjarauður og sykur er þeytt vel saman í hvítan massa. Rjóminn þeyttur og Rommýið brytjað smátt. Öllum blandað varlega saman og fryst.
Ananas ís
4 eggjarauður
2 dl sykur
1 msk vanillusykur
1/2 ltr rjómi
1 lítil dós ananaskurl
200 gr rjómasúkkulaði
Sítrónusafi
Þeytið saman eggjarauður, sykur og vanillusykur. Ef blandan er mjög þykk má setja smá af ananassafanum útí. Rjóminn er þeyttur og blandað saman við eggjahræruna. Skera súkkulaðið í litla bita og setja útí blönduna ásamt ananaskurlinu. Að lokum er svo settur smá sítrónusafi til að bragðbæta.
Súkkulaði ostakaka
110 gr. mulið hafrakex
75 gr. bráðið smjör
400 gr.Rjómaostur ( 1 askja )við stofuhita.
5 msk. rjóma
1 bolli sykur
1/2 bolli kakó
1/2 tesk. kanill
3 egg
Hafrakex og smjör er hrært vel saman og sett í botninn á lausbotna kökuformi. Gott að smyrja formið að innan með feiti. Bakað inní ofni við 180 gráður í 8 mín. tekið út úr ofninum og kælt örlítið.
Rjómaostur og rjómi er hrært vel saman, því næst er sykur, kakó og kanill sett útí og síðast eggin, hrært allt saman í ca. 2 mín. Blöndunni hellt yfir hafrakexbotninn og sett í ofninn ( 180°C ) og bakað í ca. 25-35 mín. Kakan lyftir sér vel í ofninum þess vegna verða að vera háar brúnir á forminu, en það er eðlilegt að hún falli fljótlega eftir að hún er tekin út.
Skreytt með þeyttum rjóma og súkkulaðispæni
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.