Hrossakjöt á ýmsa vegu og marengs berjabomba í eftirrétt
-Þar sem flestir eru í kreppugírnum, ætla ég að koma með ódýrar og auðveldar uppskriftir, sagði Sigrún Valdimarsdóttir ferðaþjónustubóndi í Dæli Víðidal í febrúar 2010 þegar hún var matgæðingur Feykis. -Við teljum folalda- og hrossakjöt mjög vannýtt en að okkar áliti hér á bæ, er það mikill ”herramanns” matur. Þar sem ég er álíka óskipulögð og afkvæmið sem skoraði á mig og flestar uppskriftir felast í slatta, klípu, dass og álíka mælieinungum, er svolítið erfitt að detta inn í tsk, dl. gr og þess háttar en hér koma herlegheitin.
Grafinn hrossavöðvi: fyrir ca 6 manns.
- ca 700gr. hrossavöðvi.
- 3tsk. salt
- 1 tsk sykur
- 1 tsk timian
- 3 tsk villijurtablanda
- 1 tsk svartur pipar.
Veltið kjötinu upp úr kryddinu vefjið í álpappír eða plastfilmu. Geymið í ísskáp í ca 24 tíma, endurtaka og láta standa í annan sólarhring.
Piparrótarsósa
- 2 dl, rjómi þeyttur.
- smá sítrónusafi.
- 1 msk sykur
- ½ msk piparrót.
Berið fram með t.d. klettasallati og rauðlaukshringjum.
Marinerað folalda/hrossakjöt
1,2 kg vöðvi, skorinn í ca 2 cm þykkar sneiðar.
Blandið saman: 2dl tómatsósu, 1 msk steinselju, 1 tsk limepipar og 1 msk af matarolíu.
Veltið kjötinu upp úr blöndunni (þarf að þekja vel) raðið því í skál eða annað ílat og lokið vel.
Það fer það eftir aldri ”dýrsins” hvað þetta er lengi í marineringu, frá 1-6 sólarhringa er allt í lagi í góðum ísskáp, svo má nota hugmyndaflugið og krydda á ýmsa aðra vegu.
Steikt á pönnu eftir smekk hvers og eins, folaldakjöt ca 4 mín. á hvorri hlið (þarf ekki að sjóða upp eins og með kjöt af fullorðnu sem þarf að sjálfsögðu lengri tíma) bara að prófa sig áfram.
Meðlæti: t.d. soðnar kartöflur, sveppasósu, rauðkál og baunir, gamaldags og gott.
Eftirréttur
Marengs berjabomba
Stundum mistekst marengsinn eða brotnar, þá hendum við honum ekki heldur geymum hann og notum í berjabombuna. Hér er ekki hægt að gefa uppskrift í dl. og tsk.
Brjótið marengsið niður í skál, hrærið saman við þeyttan rjóma, setjið plastfilmu yfir og geymið í ísskáp í ca 1 klst. meðan marengsið deignar. Skerið niður jarðarber og setjið saman við ásamt bláberjum , setjið í skálar og skreytið með súkkulaðispæni.
Verði ykkur að góðu.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.