Hörpuskel, humar og heimalagaður ís
Það voru þau Péturína Jakobsdóttir, akstursíþróttamaður ársins 2001og skrifstofustjóri hjá Léttitækni og hennar ektamaki Reynir Lýðsson, Strandamaður og stöðvarstjóri Fiskmarkaðarins á Skagaströnd sem töfruðu fram meistararétti úr sjávarfangi fyrir réttum 3 árum. Þau skoruðu á Stefán Sveinsson stórverktaka og veiðimann og Hafdísi Hrund Ásgeirsdóttir skipulagsséní og hársnyrtisvein á Skagaströnd að koma með uppskriftir í Feyki að tveimur vikum liðnum.
Ristuð hörpuskel með serrano skinku og kryddsmjöri
- Risahörpuskel
- Serrano skinka
Kryddsmjör:
- 70 gr mjúkt smjör
- 10 gr kóríander
- 10 gr steinselja
- safi úr hálfri sítrónu
- salt
- pipar
Smjöri, kóríander, steinselju, sítrónu, salti og pipar blandað saman. Risahörpuskel er vafin serrano skinku - yfirleitt hefur nægt að nota eina sneið utan tvo hörpudiska. Skinkan er fest með tannstönglum. Best er að krossfesta hörpudiskinn - þá hreyfist skinkan ekki neitt. Raðað í eldfast mót.
Kveikt er á grillinu í ofninum og hann látinn ná blússandi hita - 250 gráðum. Hörpuskelin er ristuð í ofni í 1 1/2 mínútu á hvorri hlið, svo er hörpuskelin tekin úr ofninum - smjörklípa er sett á hverja skel og svo sett í 2 mínútur undir grillið til að smjörið bráðni. Borið fram á beði af klettasalati.
Smjörristaður humar með hvítlauk og rjómasoðnu pasta
- 200 gr pastaskrúfur
- slatti af skelflettum humarhölum
- 2 tsk marinn hvítlaukur
- 1 msk hökkuð steinselja
- 3 dl rjómi
- salt og pipar
- slatti af ólífuolíu
- safi úr ¼ sítrónu
- 2-3 gulrætur (skornar í ræmur)
- 1 lítill blaðlaukur (skorinn í ræmur)
- 1 paprika (skorin í ræmur)
- Hunang
Sjóðið pastað í léttsöltu vatni með ólífuolíu skvettu og látið vatnið síðan renna vel af því. Hitið ólífuolíu á pönnu, setjið pastað á hana og kryddið með salti og pipar. Hellið síðan rjóma yfir pastað og sjóðið snögglega niður, bragðbætið með sítrónusafa. Setjið pastað á stórt fat.
Steikið grænmetisstrimlana í ólífuolíu. (gott að bragðbæta með hunangi,salti og pipar) Dreifið grænmetinu yfir pastað.
Hitið ólífuolíu á pönnunni og steikið humarinn. Bætið hvítlauknum og steinsejunni yfir, kryddið með salti og pipar. Þegar humarinn er tilbúinn er honum skellt yfir pastað og grænmetið og þetta er tilbúið á borðið. Borið fram með góðu hvítlauksbrauði ef fólk vill.
Heimatilbúinn ís
- 4 egg
- 1 ½ bolli sykur
- ½ l rjómi
- vanilludropar
Þeytið egg og sykur vel saman, rjómi þeyttur sér, blandað varlega saman með sleikju. Ísinn er bragðbættur með vanilludropum (smakkað til) og svo er hægt að setja hvaða súkkulaði sem er í blönduna ef fólk vill bragðbæta meira. Ísinn er síðan frystur í formum sem fólk vill.
Verði ykkur að góðu
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.