Hægelduð kiðlingaöxl og kjúklingasalat
Það er Þórhildur M. Jónsdóttir, matreiðslumeistari sem leyfði lesendum að kíkja í pottana hjá sér í 36. tbl. Feykis árið 2017. Þórhildur er Skagfirðingur, úr Lýtingsstaðahreppnum en starfar nú sem umsjónarmaður Vörusmiðju hjá BioPol á Skagaströnd. „ Ég hef mjög gaman af því að lesa matreiðslubækur og kaupi iðulega matreiðslubækur á mínum ferðalögum erlendis sem minjagripi. Hef gaman að því að borða góðan mat og helst ef einhver annar eldar hann fyrir mig. Bestu stundirnar eru þegar maður er með fjölskyldu og vinum að borða góðan mat og tengir maður iðulega minningar við ákveðin mat.
Það er alltaf spennandi að prufa rétti úr hráefni sem er ekki algengt og ég var svo heppin að fá kiðlingakjöt frá Sigrúnu á Stórhóli um daginn. Ég ákvað að hægelda það og er það alger snilld og mjög einfalt,” segir Þórhildur.
RÉTTUR 1
Hægelduð kiðlingaöxl
1 kiðlingaöxl
1 laukur
4 gulrætur, miðlungsstórar
2-3 hvítlauksrif
2 greinar ferskt rósmarin
1 tsk. svartur pipar
1 tsk. salt
2 msk. tómatpurra
250 ml rauðvín
350 ml vatn
Aðferð:
Kiðlingaöxlin er krydduð með salti og pipar og er sett í letipott ásamt grófskornu grænmetinu, tómatpurru, rauðvíni og vatni. Pottinum lokað og hann settur inn í ofn á 120°C í 3-4 tíma eftir stærð bitans. Gott er að ausa soðinu yfir annað slagið á meðan er verið að elda.
”Hér kemur önnur uppskrift sem tengist góðum minningum með vinkonum mínum en við fáum okkur iðulega þetta salat þegar við eyðum helgum saman.”
RÉTTUR 2
Kjúklingasalat fyrir 6
1 meðalstór kjúklingur eða 4 bringur
2 pokar ruccola (klettasalat)
500 g heilhveitispaghettí
150 g furuhnetur
1 Mexíkóostur
1 sítróna
2-3 rif af hvítlauk
250 g litlir tómatar
2 msk. steinselja, fersk
olífuolía
svartur pipar og salt
Aðferð:
Steikið kjúklinginn, kælið og skerið í bita. Spaghetti soðið og kælt. Olífuolía, hvítlaukur, steinselja, sítrónubörkur, salt og pipar sett saman í mixer og blandað eða allt saxað mjög smátt og sett út í olíuna. Tómatarnir skornir í tvennt og Mexíkóosturinn í teninga.
Blandið saman spaghettí og kjúklingi, hellið olíunni út á og blandið vel. Í lokin eru tómarar ostur og klettasalat sett út í.
Verði ykkur að góðu.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.