Hægeldaður hryggur og uppáhaldsnammikaka
„Við heitum Þóra Margrét Lúthersdóttir og Einar Árni Sigurðsson. Við búum á bænum Forsæludal í Vatnsdal, þar rekum við sauðfjárbú ásamt því að eiga nokkur hross, hænur og hund,“ sögðu matgæðingar 41. tbl. Feykis árið 2017. Þóra og Einar tóku við búinu í Forsæludal árið 2014. Einar starfar sem vélstjóri hjá Samskipum en Þóra sér um börn og bú en börnin eru fjögur á aldrinum fjögurra til átta ára. Þau gáfu lesendum uppskriftir að þriggja rétta máltíð.
FORRÉTTUR
Baconvafðar döðlur
Ferskar döðlur (hægt að nota úr poka líka) - steinninn fjarlægður
gráðostur, cheddarostur er í uppáhaldi hjá okkur en nota má hvaða osta sem er, ostinum stungið inn í döðlurnar og beikoni vafið utan um
Aðferð:
Sett í ofn og bakað í 15-20 mínútur við u.þ.b. 160°C. Stundum kryddum við aðeins yfir með svörtum pipar eða chilli. Borið fram með sýrðum rjóma.
AÐALRÉTTUR
Hægeldaður hryggur af veturgömlu
Best er að taka kjötið úr frysti u.þ.b. sólahring áður en á að elda það. Hryggurinn er settur á ofnskúffu og látinn snúa öfugt. Kryddaður með salti og pipar. Kjötið, ásamt vatni og ananassafa, sett í ofnskúffu ásamt 1-2 teningum af kjötkrafti. Látið malla í 1½ klst. við 120°C.
Hryggnum snúið við og soðinu ausið yfir hann. Kryddaður með villibráðarkryddi frá Prima, ferskri steinselju, rósmarín og grófu sjávarsalti. Látinn malla áfram í 1-1½ klst. við 170°C.
Borinn fram með ofnbökuðu rótargrænmeti og brúnni sósu.
MEÐLÆTI
Rótargrænmeti
Laukur, sæt kartafla, kúrbítur, brokkólí og kartöflur skorið niður í bita. Sett í eldfast mót. Olíu hellt yfir og kryddað með salti, pipar og steinselju.
Látið maukast í ofni við 170°C í um 25 mínútur.
EFTIRRÉTTUR
Uppáhaldsnammikakan frá Fiðra frænda
40 g smjör
100 g súkkulaði
3 egg
250 g sykur
150 g hveiti
1 tsk. salt
1 tsk. vanilludropar
Aðferð:
Ofninn hitaður í 175°C.
Súkkulaði og smjör brætt saman í potti við vægan hita. Gott að kæla aðeins.
Egg og sykur þeytt saman þar til blandan verður ljós og létt, súkkulaðinu bætt varlega saman við í restina. Þurrefnum og dropunum bætt í.
Eldfast mót smurt og deiginu hellt í. Bakað í 15-20 mínútur.
Sósa
40 g smjör
100 g púðursykur
2 msk. rjómi
100 g pekanhnetur (ég sleppi alltaf hnetunum).
Aðferð:
Smjör og sykur hitað að suðu, hrært stöðugt í á meðan, látið sjóða í 1-2 mínútur. Kælt aðeins.
Rjómanum bætt út í og hrært vel saman við. Núna er sósunni hellt yfir kökuna og kakan aftur sett í ofninn við 175°C í 15-20 mínútur.
Þegar kakan er tekin úr ofninum skal strá grófusöxuðu súkkulaði yfir hana. Borin fram með ís.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.