Grilluð lúða, grillbrauð og tómatsalat.
Nú styttist í sumarið og grilltíminn nálgast óðum.
„Við elskum að grilla og grillum nánast allan mat," sögðu Ingibjörg Skarphéðinsdóttir og Sveinn Brynjar Friðriksson í Varmahlíð sem voru matgæðingar vikunnar í 14. tölublaði Feykis árið 2015. Þau gáfu lesendum uppskrift af grillaðri lúðu, grillbrauði og tómatsalati, sem þau sögðu vera mjög góða uppskrift að góðu grillkvöldi.
Grilluð lúða
Lúða 1-2 flök
4 msk sítrónusafi
1 dl matarolía
2 paprikur
2 rauðlaukar
sítrónupipar
salt
ferskar kryddjurtir
Aðferð:
Sneiðið lúðuna í frekar þykkar sneiðar, raðið á álbakka og kryddið vel með sítrónupipar og salti.
Laukurinn og paprikan er saxað smátt og dreift yfir fiskinn. Svo er matarolíunni og sítrónusafanum blandað saman og hellt yfir, það er um að gera að bæta við olíu eða sítrónu ef ykkur finnst þurfa, svo að fiskurinn þorni ekki.
Að lokum finnst okkur mjög gott að skella söxuðum kryddjurtum yfir t.d. steinselju, sítrónumelissu og dilli. Svo er þetta grillað á lokuðu grilli í um 10 mín., en það fer að sjálfsögðu allt eftir þykkt sneiðanna. Eina ráðið er bara að standa við grillið og fylgjast vel með.
Meðlæti 1:
Grillbrauð
300 g hveiti
1 tsk salt
2 tsk þurrger
1 msk hunang
2 msk matarolía
2 dl volgt vatn
Aðferð:
Þessu er öllu blandað saman og látið hefa sig í um eina klst. Svo er deigið hnoðað aftur í höndunum og búnar til kúlur úr því.
Þegar kominn er tími til að grilla brauðin eru kúlurnar flattar aðeins út í lófanum og skellt á grillið. Á meðan þau eru grilluð er mjög gott að pensla þau með kryddolíu. Við notum oftast hvítlauksolíu en það er um að gera að prófa sig áfram og nota hugmyndaflugið.
Svo eru brauðin bara grilluð í smá stund, eða þangað til þau fá fallegan lit og það eru komnar smá rákir eftir grindina.
Meðlæti 2:
Tómatsalat
5-6 vel þroskaðir tómatar
2 hvítlauksgeirar
1 rauðlaukur
1 msk sítrónusafi
3 msk ólífuolía
1 msk balsamic edik
salt og pipar
basilika
Aðferð:
Tómatarnir, laukarnir og basilikan söxuð smátt og vökvanum blandað saman við. Smakkið til með pipar og salti. Þetta er mjög gott með öllum grillmat og líka ofan á nýgrillað brauð.
Gleðilegt grillsumar!
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.