Grillaður Kúalubbi

feykir.is Í matinn er þetta helst 10.09.2011 kl. 09.10

Magnús Jósepsson og Líney Árnadóttir á Steinnesi buðu lesendum upp á skemmtilegar og frumlegar uppskriftir í 34. tbl. feykis árið 2008. Kúalubbi á rist, kjúklingur í kókosmjólk og epli í kókosskel var á boðstólnum að þessu sinni.

 

Kúalubbi á rist

  • 500 g kúalubbi eða önnur góð villisveppategund
  • 1 – 2 hvítlauksrif
  • 50 g blaðlaukur
  • 1 ½ msk rjómaostur
  • 2 dl rjómi (magn eftir smekk)
  • smjör til steikingar
  • provencal krydd
  • svartur pipar - örlítið
  • cayenne pipar – agnarögn
  • brauðsneiðar
  • steinselja til skrauts

 

Kúalubbinn er hreinsaður og skorinn í strimla. Svissið blaðlaukinn í smjöri  ásamt sveppunum og hvítlauk, kryddið létt. Rjómaosti og rjóma bætt út í, látið krauma aðeins og kryddið eftir eigin smekk. Berið fram á ristaðri brauðsneið, ca 2 matskeiðar á sneið og skreytið með steinselju eða öðru fallegu grænmeti.

 

Kjúklingur í kókosmjólk

  • 3 - 4 stk kjúklingabringur
  • 1 stk rauð paprika, skorin í strimla
  • 3 stk gulrætur, skornar í strimla
  • 1 dós wok blanda þ.e. bambusstangir, lítill maís . . .
  • 1 stk chilli pipar, skorinn smátt (hreinsið fræin úr)
  • 1 poki cashew hnetur
  • salt
  • svartur pipar
  • 2 hvítlauksrif
  • ólífuolía
  • 1 dós kókosmjólk
  • 1 msk tómatpúrra
  • 2 – 3 dl hrísgrjón

 

Skerið kjúklinginn í mjóar sneiðar, kryddið með salti og pipar, pressið hvítlauksrifin og steikið saman upp úr olíunni, bætið síðan grænmetinu við, fyrst því ferska og síðan úr dósinni, léttsteikið. Hnetur og chilli pipar fara í síðast. Hellið kókosmjólkinni yfir allt ásamt tómatpúrrunni, látið krauma. Berið fram með hrísgrjónum.

 

 

Epli í kókosskel

  • 1 kg epli
  • ½ bolli vatn
  • 1 msk sykur
  • 2 egg
  • ½ dl sykur
  • 3 ½  dl kókosmjöl
  • ½ l rjómi

 

Afhýðið eplin, hreinsið úr þeim kjarnann, skerið í báta og sjóðið létt í sykruðu vatninu. Stífþeytið egg og sykur og blandið kókosmjölinu létt saman við. Mjúk eplin veidd úr vatninu og raðað í eldfast mót. Kókoseggjablöndunni hellt yfir og bakað við 180° þar til skelin er gullinbrún. Borið fram með þeyttum rjóma.

Verði ykkur að góðu!

Til baka

Athugasemdir eru á ábyrgð þeirra sem þær skrá.

Feykir áskilur sér þó rétt til að eyða ummælum sem metin verða sem ærumeiðandi eða ósæmileg.

Smelltu hér til að tilkynna óviðeigandi athugasemdir.

Fleiri fréttir

  • Ingibjörg Davíðsdóttir er oddviti Miðflokksins í Norðvesturkjördæmi. AÐSEND MYND

    Hressandi að skella sér í sjósund

    feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15 oli@feykir.is
    Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.
    Meira
  • Þóra Kristín í einni af fjölmörgum útsýnispásunum í Víetnam. AÐSENDAR MYNDIR

    Það sem maður veitir athygli vex og dafnar

    feykir.is Skagafjörður, Listir og menning, Lokað efni 23.11.2024 kl. 12.09 oli@feykir.is
    Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.
    Meira
  • Eldar Smári Kristinsson, oddviti Lýðræðisflokksins. AÐSEND MYND

    Ætlaði að verða prestur

    feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37 oli@feykir.is
    Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.
    Meira

  • Afmælisveisla Hvatar er einmitt í dag!

    feykir.is Austur-Húnavatnssýsla, Mannlíf, Lokað efni 23.11.2024 kl. 09.45 oli@feykir.is
    Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.
    Meira
  • Heiðdís Rós Eyjólfsdóttir, Flokki fólksins. MYND AÐSEND

    Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar

    feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45 oli@feykir.is
    Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.
    Meira
Yfirlit frétta