Grillaðar hrossalundir – hrikalega gott og fljótlegt. Matgæðingar 2. tbl. 2009
Það eru þau Bergur Gunnarsson og Rósa María Vésteinsdóttir bændur á Narfastöðum í Skagafirði sem bjóða lesendum Feykis upp á dýrirndis uppskriftir og láta eftirfarandi fylgja með. Hér á norðurlandi er all víða ræktuð hross og þar sem efniviðurinn verður ekki alltaf að gæðingum fannst okkur upplagt að koma með aðalrétt sem hent gæti Skagfirsku matarkistunni. Alls ekki illa meint en gott með í úrvinnslunni.
Bergur og Rósa skora á þau Véstein Þór og Margréti dýralækni í Varmahlíð að koma með næstu uppskriftir. Þau kunna bæði vel til verka í eldhúsinu og verður því væntanlega eitthvað frumlegt og gott frá þeim eftir tvær vikur.
Himnesk haustsúpa - einnig mjög fín flensusúpa, einföld og fljótleg ;-)
- 1msk ólífuolía
- 1/3 blaðlaukur skorinn niður
- 3 hvítlauksrif, pressuð
- 500 gr niðurskorið grænmeti að eiginvali t.d. blómkál, borccoli, sveppir, gulrætur
- 1 tsk salt
- 1 tsk oregano
- 1 tes basil
- 1/2 tsk timjan
- 2 msk tómatpúrre
- 1 dós (ca 400 gr) niðursoðnir tómatar
- 750 ml vatn
- 2-3 grænmetisteningar
Hitið olíuna í potti og mýkið laukinn, bætið hvítlauknum saman við og steikið áfram í ca 1 mín. Setjið grænmetið og kryddið út í og blandið þessu lítið eitt saman. Þar næst fara niðursoðnu tómatarnir út í ásamt tómatpúrre, grænmetiskraftinum og vatninu. Sjóðið í 20-25 mín. Ofan á súpuna til skrauts má nota tómata, skorna í litla teninga og ferska saxað basil.
Grillaðar hrossalundir – hrikalega gott og fljótlegt.
Þessi réttur kemur öllum verulega á óvart. Lundirnar eru lungamjúkar og minna lítið á þá ímynd sem hrossakjöt hefur haft í hugum flestra Íslendinga. Í þennan rétt þarf eina meðal feita lund fyrir ca. 5-6 manns.
Skerið lundina í ca 150-200 gr steikur. Berjið létt í sárið með hnefanum til að pressa steikina aðeins saman og forma. Stráið aðeins salti yfir bitana og veltið bitanum (kantinum) upp úr svörtum grófmöluðum pipar og setjið á grillið með sárið upp. Grillist örstutt (2-3 mín) við háan hita og snúið síðan við. Þegar seinni hliðin er að grillast er upplagt að strá parmesanosti yfir kjötið og láta bráðna. Gott er að meðhöndla kjötið eins og nautakjöt, steikja hæfilega lítið þannig að það sé vel rautt (medium rare) þegar það er borið fram.
Meðlæti
Meðan grillið er að hitna er meðlætið gert klárt.
Skrælið og skerið niður í hæfilega stóra bita allt það grænmeti sem ykkur finnst gott. Í þessa uppskrift nota ég gjarnan: rófur, sætar kartöflur, rauðlauk, sveppi, blómkál, broccoli og 1/2 gróf saxaðan hvítlauk. Setjið olíu á stóra pönnu og steikið grænmetið og hvítlaukinn í ca. 4-5 mín eða þar til það er farið að glansa aðeins, kryddið með salt og pipar og hellið síðan ¼ l. rjóma yfir og látið suðuna koma upp. Setjið lokið á og slökkvið undir. Geymið á hellunni þar til aðalrétturinn er tilbúinn á borðið.
Með kjötinu þarf ekki að bera fram sósu frekar en fólk vill þar sem sósa er með grænmetinu.
Eftirréttur:
Grillað Gúff úr Grillbók Hagkaups bls 201.
- Fyrir 5-6
- 100 g rifið súkkulaði
- 3 stk kókosbollur
- 750g ávaxtasalat t.d. jarðarber, kíwí, bláber, vínber, perur, bananar og epli.
Ávextirnir eru skornir í bita og settir í álbakka. Súkkulaðinu sáldrað yfir. Klessið kókosbollunum þar yfir. Grillið í u.þ.b. 10 mínútur við lágan hita.
Til að toppa þetta enn frekar þá er upplagt að bera þetta fram á vöfflulaufi með vanilluís eða rjóma.
Verði ykkur að góðu.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.