Grafin gæs með bláberjasósu, fyllt grísalund og hindberja og súkkulaði mousse
Anna María Elíasdóttir og Kjartan Sveinsson á Hvammstanga áttu uppskriftir vikunnar í Feyki í maí árið 2010. -Við höfum bæði mjög gaman af eldamennsku og þá sérstaklega veislumat en erum ekki eins áhugasöm um hversdagsmatinn. Þessar uppskriftir sem við deilum með ykkur hafa oft verið á borðum hjá okkur og smakkast alltaf jafnvel.
Í forrétt bjóðum við upp á grafna gæs með bláberjasósu
- 2 gæsabringur
- 4msk sykur
- 3 dl gróft salt
- Sykur og salt blandað saman og látið bíða við stofuhita í 7 klst.
- Kryddblanda
- 1msk af
- Rósapipar
- Rósmarín
- Timían
- Basil
- Fáfnisgras ( estragon)
- Sinnepsfræ
- Dillfræ
- Sykur og salt skolað af bringunum og þeim velt upp úr kryddblöndunni geymt í kæli yfir nótt.
- Bláberjasósa
- 2 dl bláberjasulta
- 2msk balsamedik
- 1 msk timian ferskt
- ½ tsk pipar
- 2dl olía
Allt maukað vel saman í matvinnsluvél. Bringurnar bornar fram þunnt skornar ( best að frysta áður en skorið ) ásamt klettasalati, brauði og bláberjasósu.
Aðalréttur – fyllt grísalund
- Eitt kíló grísalund
- 200 gr. rjómaostur
- 50 gr. gráðaostur
Hrærið ostana saman þar til þeir verða mjúkir. Setjið í sprautupoka og gerið gat með t.d. prjón eða fondu pinna eftir lundinni endilangri og sprautið ostinum inní. Brúnið á pönnu í smjöri og kryddið með salti og pipar. Setjið í eldfast mót. Ein askja af sveppum steikt á pönnunni (ekki þrífa á milli) einum pela af rjóma helt á pönnuna og látið sjóða, hellið svo sósunni yfir lundina og bakið í ofni í ca 20-30 mín. við 170°C. Borið fram með hrísgrjónum, góðu salati og brauði.
Eftirréttur – hindberja og súkkulaði mousse
- 300 gr. dökkt súkkulaði
- 4 dl. rjómi
- 100 gr. sykur
- 2 msk. síróp
- Hálfur dl. vatn
- 4 stk. eggjarauður
- 4 stk. fersk hindber (má vera frosin)
Súkkulaðið brætt yfir vatnsbaði, rjóminn þeyttur, sykur, síróp og vatn sett í pott og hitað að suðu. Eggjarauður þeyttar, sírópsblöndunni hellt út í eggjarauðurnar og þeytt áfram þar til blandan þykknar og kólnar. Brætt súkkulaðið blandað saman við og að síðustu þeyttum rjómanum. Setjið helming hindberjanna í botninn á skál eða glasi. Músinni helt yfir og restin af hindberjunum þar ofan á. Fallegt og gott að sigta flórsykur yfir.
Verði ykkur að góðu!
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.