Fyllt geitalæri í aðalrétt
Heiðrún Guðmundsdóttir Herbalife dreifingaraðili og Rúnar Jónsson bifvélavirki á Sauðárkróki gáfu lesendum Feykis gómsætar uppskriftir fyrir sléttum þremur árum. Það er ekki oft sem fólk er með geitakjöt í uppskriftum en hér er það í aðalrétt. Heiðrún og Jón skoruðu á Hilmar Baldursson og Aðalbjörgu Hallmundsdóttur, Grenihlíð 4 á Sauðárkróki að koma með uppskriftir að tveimur vikum liðnum.
Forréttur:
- Rækjukokteill fyrir 4
- 500 g rækjur
- ½ haus ís-salat
- 200 g majones
- 40 g tómatsósa
- Skvetta af hvítvíni (má sleppa ef vill) eða nota sítrónusafa eftir smekk
- Sítróna
- Aromat og pipar eftir smekk
Skerið íssalatið fínt niður og setjið í litla skál eða smekklegt grunnt glas á fæti og setjið rækjurnar (þiðnar og búið að láta renna af þeim) ofan á. Hrærið saman majonesinu, tómatsósunni, hvítvíninu/sítrónusafanum og kryddið eftir smekk. Skellið smá slurk af blöndunni ofan á herlegheitin. Skerið fallega sneið af sítrónu og setjið hana klofvega á glasbarminn. Þennan rétt má líka stækka og bera fram, þar sem allt er sett saman í stóra skál og rækjukokteillinn settur ofan á ristað brauð og síðan smá sósa þar yfir (mjög sniðugt í veislur eða klúbbakvöld).
Aðalréttur: Fyllt geitalæri
- 1 stk geitalæri (úrbeinað heilt og leggur snúinn úr)
- 3 geirar hvítlaukur (saxaður)
- 1 búnt steinselja
- 2 msk. olífuolía
- 150 g fetaostur, hreinn
- 100 g sólþurrkaðir tómatar (grófsaxaðir)
- 3 msk. grænt pestó
- Salt og pipar
Hvítlaukur og steinselja eru sett í matvinnsluvél ásamt olífuolíu og maukað vel saman. Þar næst er blandað saman fetaosti, tómötum og pestói ásamt helmingnum af hvítlauksmaukinu og geitalærið fyllt með þessu. Hinum helmingnum er nuddað utan á geitalærið og það kryddað með salti og pipar. Steikt í ofni við 180° hita í u.þ.b. 40 mín. Fer eftir þyngd lærisins. Borið fram með salati, heitri sveppasósu eða kaldri sósu eftir smekk hvers og eins og ofnbökuðu grænmeti í olíu: Sætar kartöflur eða venjulegar kartöflur (má líka hafa saman), sveppir, laukur og paprikur sett í eldfast mót, slatti af olíu og smávegis af grófu salti stráð yfir og bakað við 180° hita þar til kartöflurnar eru orðnar mjúkar í gegn.
Eftirréttur:
Dásamlega rjómakennt súkkulaðifrauð með sætu peruívafi fyrir 4
Sumt er svo ljúffengt að maður verður að leyfa öðrum að njóta þess með sér.
- 4 skammtar Formúla 1 (hristingur frá Herbalife) með súkkulaðibragði
- 2 dósir af perum
- 4 eggjahvítur
- 200 ml undanrenna
Þeytt vel saman í blandara, sett í skálar og geymt í ísskápnum yfir nótt. Þegar frauðið er borið fram má setja ferskar perusneiðar á skálabarmana og súkkulaðispænir yfir.
Verði ykkur að góðu!
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.