Frönsk lauksúpa í forrétt

feykir.is Í matinn er þetta helst 02.06.2012 kl. 13.26

Að þessu sinni ætla þau Erla Björg og Agnar Friðrik, sem voru voru matgæðingar Feykis fyrir þremur árum, að bjóða upp á franska lauksúpu, Tortellini í ostasósu og óhemju girnilega ostaköku.

Forréttur

Frönsk lauksúpa

  • 2 stórir laukar
  • ½ l vatn
  • 2 tsk. soðkraftur
  • 10 g. smjörlíki
  • 1/8 tsk. timian
  • 1/8 tsk. chilliduft
  • Litlar brauðsneiðar (heilhveiti)
  • Ostur,  rifinn.
  • Smjördeig (má sleppa)

Aðferð:
Búðu til soð með að leysa  soðkraftinn upp í vatninu. Hreinsaðu laukinn og skerðu hann í mjög þunnar sneiðar eða saxaðu hann smátt allt eftir smekk. Bræddu smjörlíki í potti og hitaðu laukinn í því í c.a 5 mín. eða þangað til hann er orðinn mjúkur en passa að brúna hann ekki!! Helltu soðinu út í pottinn og láttu sjóða við vægan hita í um 15-20 mín.

Kryddaðu og láttu súpuna í eldfast mót. Raðaðu ofan á súpuna  ristuðum brauðsneiðum  og stráðu rifna ostinum ofan á þær. Því næst penslarðu eggjarauðu á barminn á eldfasta mótinu og setur þunna köku af smjördeigi yfir ostinn.  Passa að smjördeigið  nái alveg yfir réttinn eða myndi einskonar lok,  það er svo  penslað með rauðunni. Glóðaðu réttinn þar til deigið er orðin gullinbrúnt.

Aðalréttur

Tortellini í ostasósu

  • 1 pakki tortellini
  • Statti broccoli
  • ½ piparostur
  • 1 paprika
  • 1 laukur
  • Ostur
  • 2-3 hvítlauksrif
  • Grænmetiskrafur (smá)
  • 2-3 dl. léttmjólk

Aðferð:
Tortellini og broccoli soðið og sett í eldfast mót. Laukur , hvítlauksrif og paprika söxuð og léttsteikt í olíu. Brytjið piparostinn og hreinsið aðeins utan af honum. Léttmjólk og osti er bætt út í steikta grænmetið og hrært í þar til osturinn er bráðinn. Grænmetiskraftinum er svo bætt út í í lokin og látið krauma í 2 mínútur.

Því næst er ostasósunni hellt yfir tortellini/broccoliið og ostur settur yfir allt saman þannig að það þekur blönduna og  bakað í ofni í 10-15 mínútur við 180°C eða þar til osturinn er bráðinn.

Eftirréttur

Mars-Twix ostakaka

Botn:

  • 50 g heilhveitikex
  • 75 g smjör
  • 3 stk. Twix ( u.þ.b. 180 g )

Fylling:

  • 400 gr.  rjómaostur
  • 100 gr. sykur
  •  40 gr. púðursykur
  •  40 gr. smjör
  •  1 dl. rjómi
  •  1 dós sýrður rjómi (18%)
  •  3 stk. Mars ( u.þ.b. 150 g )
  •  2 matarlímsblöð

Aðferð:
Skerið Twix súkkulaðið í bita og setjið í matvinnsluvél ásamt kexinu og myljið smátt. Hrærið smjörinu svo saman við að síðustu.  Hellið mylsnunni í meðalstórt  smelluform  og þrýstið henni niður á botninn og u.þ.b. 3-4 cm. upp með hliðunum.
Kælið í að minnsta kosti 30-40 mínútur.
Skerið Mars í bita.
Hrærið rjómaostinn vel saman með sykrinum í matvinnsluvél og blandið svo sýrða rjómanum saman við með sleikju.
Leggið matarlímsblöð í kalt bað í nokkrar mínútur.
Hitið rjómann,  kreistið vatnið úr matarlímsblöðunum og bræðið þau í rjómanum, og hrærið saman við ostablönduna með sleikju.
Setjið ½ dl.  rjóma í pott , ástamt smjöri og  púðursykri og hitið að suðu.
Látið sjóða í 2 mínútur og hrærið stanslaust í á meðan.

Hellið svo helming af ostablöndunni yfir kexskelina, þar næst Mars í bitum og svo restina af blöndunni yfir. Hellið karamellublöndunni síðast yfir og dragið þunnar rákir í  ostablönduna með hníf  til að fá áferð.

Verði ykkur að góðu.

Til baka

Athugasemdir eru á ábyrgð þeirra sem þær skrá.

Feykir áskilur sér þó rétt til að eyða ummælum sem metin verða sem ærumeiðandi eða ósæmileg.

Smelltu hér til að tilkynna óviðeigandi athugasemdir.

Fleiri fréttir

  • Ingibjörg Davíðsdóttir er oddviti Miðflokksins í Norðvesturkjördæmi. AÐSEND MYND

    Hressandi að skella sér í sjósund

    feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15 oli@feykir.is
    Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.
    Meira
  • Þóra Kristín í einni af fjölmörgum útsýnispásunum í Víetnam. AÐSENDAR MYNDIR

    Það sem maður veitir athygli vex og dafnar

    feykir.is Skagafjörður, Listir og menning, Lokað efni 23.11.2024 kl. 12.09 oli@feykir.is
    Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.
    Meira
  • Eldar Smári Kristinsson, oddviti Lýðræðisflokksins. AÐSEND MYND

    Ætlaði að verða prestur

    feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37 oli@feykir.is
    Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.
    Meira

  • Afmælisveisla Hvatar er einmitt í dag!

    feykir.is Austur-Húnavatnssýsla, Mannlíf, Lokað efni 23.11.2024 kl. 09.45 oli@feykir.is
    Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.
    Meira
  • Heiðdís Rós Eyjólfsdóttir, Flokki fólksins. MYND AÐSEND

    Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar

    feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45 oli@feykir.is
    Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.
    Meira
Yfirlit frétta