Bragðsterkir og einfaldir réttir
Erla Jónsdóttir og Jóhann Ingi Ásgeirsson frá Kambakoti í fyrrum Vindhælishreppi voru matgæðingar vikunnar í 32. tölublaði Feykis árið 2012. „Hérna koma mjög bragðsterkir og einfaldir réttir, það fer lítill tími í matreiðsluna sem er e-ð sem hentar mér mjög vel að minnsta kosti,“ sögðu þau Erla og Jóhann um uppskriftirnar sínar.
Forréttur
Marineruð ýsa
1 kg ýsa
1 rauðlaukur, eða bara sá laukur sem fólk vill
1 msk olífuolía
safi úr 6-8 sítrónum, eða bara sítrónusafi
1-2 paprikur
Sósa:
1 dós sýrður rjómi
3 msk majones
sætt sinnep
Dijon sinnep
púðursykur
hunang
Þetta er nú bara smakkað til.
Aðferð:
Fiskurinn er hreinsaður mjög vel og skorinn í mjög litla bita, saxa þarf laukinn smátt, þetta er síðan sett í skál og leginum hellt yfir, þ.e. sítrónusafanum og olíunni, sett í ísskáp í sólarhring. Gott er að taka fiskinn úr marineringunni og strá saxaðri rauðri papriku yfir áður en hann er borinn fram. Þetta er svo borið fram með ristuðu eða óristuðu snittubrauði og sósunni.
Aðalréttur
Pönnusteiktur fiskur í BBQ-sósu
Ýsa eða þorskur (þorskurinn er nú alltaf betri)
Hveiti til að velta fiskinum upp úr fyrir steikingu
½-1 flaska BBQ sósa- original (eða önnur ef vill)
smá salt
1-2 dl rjómi (eða bara eins og þarf í sósuna)
hrísgrjón
hrásalat
Aðferð:
Þessi réttur hljómar kannski ekki vel en ef vel tekst til með steikinguna á fiskinum að þá er þetta algjör veisla. Fiskurinn er hreinsaður mjög vel og velt upp úr hveitinu og síðan upp úr BBQ-sósunni og sett á pönnuna. Ég reyni að steikja fiskinn við eins lágan hita og hægt er þá sleppur maður við að BBQ-sósan spýtist út um allt, passa vel að steikja mjög stutt. Þegar búið er að steikja allan fiskinn, helli ég smá rjóma á pönnuna og meiri BBQ-sósu og hræri saman í smá stund þá er komin svakalega bragðgóð sósa, styrkleikanum má stjórna með magni af sósu og rjóma, best er að smakka hana bara til.
Sósan loðir misvel við fiskinn þannig stundum getur þetta litið hálf illa út eftir steikingu, þá er líka hægt að steikja fiskinn bara enn minna og hella svo sósunni yfir hann allan að steikingu lokinni.
Þetta er síðan borið fram með miklu magni af hrísgrjónum og hrásalati.
Eftirréttur
Ferskju-marengsterta
5 eggjahvítur
250 gr sykur
1 peli rjómi
1/2 dós niðursoðnar ferskjur
Aðferð:
Þessi terta passar nú kannski ekki mjög vel á eftir fiskinum en þessi er ótrúlega létt og þægileg, hentar mínu getustigi í bökunarmálum því mjög vel, því langaði mig að koma henni á framfæri.
Eggin og sykurinn eru þeytt mjög vel saman og sett síðan á bökunarpappír á plötu, bakað við 100°C í 3-4 tíma með blæstri, ég geri þetta nú stundum bara á kvöldin og slekk svo á ofninum og læt botnana bara kólna í ofninum til morguns.
Þeyti rjómann og sker síðan niður ferskjurnar í mjög litla bita, blanda saman og skelli á milli. Verður ekki mikið betra miðað við vinnuframlag og hæfni gerandans.
Verði ykkur að góðu!
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.