Auðveld og góð gúllassúpa
-Nú eru réttir um hverja helgi og margt um manninn og þá er gúllassúpa auðveld og góð. Með henni hef ég brauðbollur. Karamellusúkkulaðistangir eru góðar með kaffinu eftir matinn, segir Selma Svavarsdóttir ökukennari á Blönduósi en hún og synir hennar þeir Sigurgeir Njáll og Bjartmar Dagur voru matgæðingar Feykis fyrir réttum þremur árum. Sigurgeir og Bjartmar gáfu lesendum upp uppskriftina af uppáhalds muffinskökunum sínum.
Súkkulaðibita muffins
- 2,5 bollar hveiti
- 1,5 bollar sykur
- 1 tsk natron
- 1 tsk salt
- 2 msk vanillusykur
- 3 egg
- 1 dós jógúrt
- 220 gr brætt smjörlíki
- 150-200 gr saxað suðusúkkulaði
Allt hrært saman, sett í múffuform og bakað við 190° C í ca 15-20 mín.
Ég nota alltaf sömu uppskriftina í allt gerbrauð, bollur og/eða snúða. Nota bara hugmyndaflugið hvernig brauð maður vill.
- 6 dl volgt vatn og mjólk (nota 3+3)
- 3 msk þurrger
- 3 msk sykur (hrásykur)
- 1 tsk salt
- 150 brætt smjörlíki
- Um 1 kg hveiti (spelt)
- (1-2 dl hveitiklíð eða eitthvað annað)
Allt sett saman og hnoðað vel, látið hefast á hlýjum stað þar til það hefur lyft sér, mótaðar bollur og bakað við 225 C í ca 10 mín.
Ég nota lambakjöt í gúllassúpuna, fer bara í SAH afurðir og kaupi heilan skrokk og sker eitthvað af honum í gúllas. Uppskriftin er fyrir sex.
- 700 gr gúllas (á að vera nautakjöt)
- 2 laukar
- 3 hvítlauksrif
- 1 ½ msk paprikuduft
- 1 ½ l vatn
- 2 teningar kjötkraftur
- 1-2 tsk meiran
- 700 gr kartöflur
- 2-3 gulrætur
- 2 paprikur
- 4-5 tómatar eða 1 dós niðursoðnir (400 g)
Steikið kjötið ásamt lauk og pressuðum hvítlauk. Setið í pott með vatninu ásamt kryddinu og sjóðið við vægan hita í 40 mín. Kartöflur, gulrætur, paprika og tómatar skorið í bita og því bætt útí og soðið í 30 mín. Kryddið meira ef vill.
Uppskriftina af karamellusúkkulaðistöngunum fékk ég hjá Jóhönnu Steinunni mágkonu minni. Þær eru ofboðslega góðar og gott að eiga í frystikistunni, laumast í eina og eina.......
Botn:
- 225 g hveiti
- ½ tsk lyftiduft
- 115 g smjör
- 50 g ljós púðursykur
- 150 g suðusúkkulaði, brætt
- 2 msk malaðar möndlur (má sleppa)
Hita ofninn í 160 C. Sigta hveiti og lyftiduft í skál. Bæta smjörinu í og hnoða saman þar til það líkist grófri brauðmylsnu. Hræra sykri og möndlum saman við. Bræða súkkulaði, bæta því útí og hnoða í samfellt deig. Þrýsta deiginu á botninn á vel smurðu ferköntuðu kökumóti (lítil ofnskúffa, ca 20x30 að stærð) Pikka deigið með gaffli og baka í miðjum ofni í 25-30 mín. Láta kökuna kólna í forminu.
Fylling;
- 175 g smjör
- 115 g sykur
- 2 msk síróp
- 1 ½ dl rjómi
- 150 g heslihnetur
- 225 g suðusúkkulaði
- 1-2 tsk olía
Rista hnetur á þurri pönnu. Smjör, sykur, síróp og rjómi sett í pott og sjóða þar til það verður nokkuð þykkt. Setja hneturnar fyrir botninn (ekki allir spenntir fyrir hnetum svo þarf ekki allar). Hella karamellunni yfir og látið storkna. Bræða súkkulaði, olía sett saman við og því síðan jafnað yfir karamelluna og látið storkna. Skerið kökuna með beittum hníf í stangir/bita. Geymið í frysti.
Verði ykkur að góðu!
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.