Valdís Valbjörns fær Vind í seglin
STEF (Samband tónskálda og eigenda flutningsréttar) stóðu nýverið fyrir mentor-verkefninu Vindur í seglum að tillögu nýstofnaðrar jafnréttisnefndar sambandsins. Um er að ræða átak fyrir konur, og önnur kyngervi í minnihluta, og er ætlað til að styðja áhugasama höfunda við að fóta sig og koma verkum sínum á framfæri. Margar umsóknir bárust og margar áhugaverðar en á meðal þeirra þriggja sem urðu fyrir valinu var Króksarinn Valdís Valbjörnsdóttir.
Á síðu STEF segir: Valdís er 20 ára söngkona frá Sauðárkróki. Hún hefur sungið frá unga aldri og tekið þátt í alls konar tónlistarverkefnum. Árið 2018 tók hún þátt í Söngkeppni Framhaldsskólanna og sigraði símakosninguna. Haustið 2019 stundaði hún söngnám í Complete Vocal Institute í Kaupmannahöfn og nú síðast tók hún þátt í verkefninu Tónaflóð um landið með hljómsveitinni Albatross. Hún byrjaði að gefa út sitt eigið efni á þessu ári.
„Þetta er frábært tækifæri og mikill heiður að vera valin, því í þessu verkefni fæ ég möguleika á að vinna með og fá ráðleggingar frá reyndu fólki í bransanum,“ sagði Valdís í spjalli við Feyki.
Auk Valdísar voru það Alexandra Björk Elfar og Fríða Hansen sem voru valdar til að taka þátt í verkefninu sem nær yfir sex mánaða tímabil. Markmiðið er að hvetja og aðstoða þátttakendur með verkefni sín (sem eru nú þegar í gangi). Þátttakendur geta valið sér frá einum og upp í þrjá leiðbeinendur, t.d. einn sem aðstoðar við kynningarmál og annan til aðstoða við listsköpun svo eitthvað sé nefnt. Meðal þeirra fjölmörgu sem hafa gefið kost á sér í hlutverk leiðbeinenda eru Salka Sól (tengdadóttir Skagafjarðar), Páll Óskar, Ragnheiður Gröndal, Halldór Gunnar Pálsson, Svavar Knútur og Hafdís Huld.
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.