Það mun reynast erfitt að fjármagna lögbundin verkefni
Oddviti Akrahrepps er Hrefna Jóhannesdóttir sem auk þess er skipulagsfulltrúi hjá Skógrækt ríkisins, skógfræðingur og skógarbóndi á Silfrastöðum. Hún svaraði spurningum Feykis um stöðu Akrahrepps og framtíðarhorfur á tímum COVID-19.
Íbúar í Akrahreppi eru um 200 talsins en þar eru flest störf tengd landbúnaði eða hjá ríki eða sveitarfélaginu og loks störf tengd ferðaþjónustu.
Er mikið atvinnuleysi í sveitarfélaginu? Nei, en vissulega hafa sumar starfsgreinar orðið fyrir verulegum samdrætti.
Hafa tekjur sveitarfélagsins, útsvar og framlög, minnkað vegna COVID? Já, tekjur hafa dregist saman á árinu og gert er ráð fyrir áframhaldandi samdrætti á næsta ári.
Hafa útgjöld vegna félagsþjónustu og æskulýðsstarfs aukist á tímabilinu? Að mjög litlu leyti.
Hvernig er útlitið fyrir næsta ár? Það stefnir í að reksturinn þyngist á næsta ári, gert er ráð fyrir áframhaldandi samdrætti í tekjum og á sama tíma er gert ráð fyrir auknum framkvæmdum.
Mun sveitarfélagið fara í einhverjar framkvæmdir til að styðja við atvinnulífið á svæðinu? Akrahreppur heldur ótrauður áfram að bæta innviði og sinna viðhaldi.
Er eitthvað sem þér finnst að ríkið mætti gera betur til að styðja við sveitarfélögin? Auknar skyldur sveitarfélaga og færsla á verkefnum til þeirra kallar á meiri stuðning við fjárhag sveitarfélaga. Það stefnir í samdrátt í tekjum hjá flestum sveitarfélögum og þá mun reynast mörgum erfitt að fjármagna lögbundin verkefni. Mikilvægt er að fjármunir í Jöfnunarsjóð verði auknir.
Hver er þín tilfinning fyrir líðan íbúa og hvernig finnst þér þeir hafa brugðist við þessum breyttu aðstæðum sem heimsfaraldur hefur haft í för með sér? Ég held að það sé óhætt að segja að allir séu orðnir hundleiðir á aðstæðum en taki þessu með jafnaðargeði og geri sitt besta. Við erum heppin að búa í dreifbýli og geta notið útivistar í fallegri náttúru. Ég hef hins vegar töluverðar áhyggjur af þeim sem búa einir og er hætt við að einangrist enn frekar þegar samkomur og samvera er takmörkuð.
Hvað hefur þér fundist erfiðast við faraldurinn ? Erfiðast er að vita af þeim sem eru einir. Jákvætt hvað fólk er fljótt að tileinka sér nýjar venjur og flestir sýna öðrum mikla tillitssemi.
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.