Hefur þig dreymt um að sofa í kirkju?
Einhverjir hafa eflaust tekið eftir að Hótel Blönduós, sem opnar að nýju 15. maí eftir gagngerar endurbætur og upplyftingu, hefur skellt í Facebook-leik í tilefni opnunarinnar þar sem spurt er: Hefur þig dreymt um að sofa í kirkju? Heppinn vinningshafi fær síðan gistingu fyrir tvo í gömlu kirkjunni í Gamla bænum. Feyki lék forvitni á að vita hvað væri eiginlega í gangi á Blönduósi og hafði samband Pétur Oddberg Heimisson, markaðs- og sölustjóra.
Fyrst var spurt hvort leggjast ætti í miklar breytingar á fallegu gömlu kirkjunni á Blönduósi sem er í seilingarfjarlægð frá Hótel Blönduós. Hvort útbúa ætti nokkur herbergi í kirkjunni. Svo var ekki.
„„Það má eiginlega segja að þetta verði eins og frekar stór svíta, eitt rúm á besta stað í kirkjunni. Við bindum vonir við að þetta verði vinsæll kostur fyrir pör sem vilja prófa eitthvað sem það hefur ekki prófað áður, að gista í kirkju,“ segir Pétur sem bætir við að einhverjar breytingar verði gerðar á kirkjunni að innan en að utan fái hún að mestu að halda sínu upprunalega útliti.
Hvernig datt ykkur þetta í hug? „Þessi hugmynd kom til um leið og eigendur voru búnir að kaupa kirkjuna. Það hefur tíðkast víða í Evrópu að breyta kirkjum í hostel, hótel, íbúðir, bari og veitingastaði og við viljum einfaldlega bjóða upp á þennan möguleika, að bjóða upp á að hægt sé að gista í henni.“
Hvernig gengur að selja gistingu á nýuppgerðu Hótel Blönduós, hafa viðtökur verið góðar? „Það gengur nú bara nokkuð vel að selja og einhverjir dagar í sumar eru fullbókaðir. Við hófum sölu fyrir örfáum vikum síðan en salan fer vel af stað enda búist við metfjölda ferðamanna til Íslands í sumar og uppbókað á mörgum gististöðum fyrir norðan í sumar. Við höfum fundið fyrir miklum áhuga frá ferðaskrifstofum sem sýna svæðinu áhuga auk þess sem ferðamenn eru að bóka í gegnum þessar helstu bókunarsíður og heimasíðuna okkar.
Eru eigendur Hótel Blönduóss með fleiri verkefni á teikniborðinu? „Já, við ætlum að opna prjónakaffihús í sumar og stefnum á opnun helgina 9.-11. júní þegar Prjónagleðin fer fram. Að auki opnum við Krúttið í sumar, þar sem gamla bakaríið í Gamla bænum var til húsa. Þar verður hægt að halda veislur, tónleika, uppistand og fleira sem okkur dettur í hug að bjóða upp á,“ segir Pétur að lokum.
Það er augljóslega allt að gerast á Blönduósi – bænum sem aldrei sefur.
Fleiri fréttir
-
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.