Hársprey á árshátíð eldri nemenda í Varmahlíð
Eldri bekkir Varmahlíðarskóla halda árshátíð sína og sýna söngleikinn Hársprey í Miðgarði í dag klukkan 17:00 og annað kvöld, föstudag, klukkan 20:00. Eftir sýninguna í dag er, samkvæmt hefð, boðið upp á veislukaffi í Varmahlíðarskóla en að seinni sýningu lokinni verður unglingaball fyrir 7.-10. bekk í Miðgarði þar sem meðlimir úr Hljómsveit kvöldsins sjá um að halda uppi fjörinu.
Hársprey er eftir Mark O’Donnell og Thomas Meehan en Íris Olga Lúðvíksdóttir og Árni Friðriksson þýddu handritið sem Varmahlíðarskóli byggir uppsetningu sína á. Söngleikurinn fjallar um mannlíf í bandarísku borginni Baltimore og gerist á sjöunda áratug síðustu aldar þar sem glaðværi unglingurinn Tracy Turnblad reynir að koma sér á framfæri sem dansari í sjónvarpsþætti bæjarins og berst á móti kynþáttafordómum.
Að sögn Helgu Rósar Sigfúsdóttur, leikstjóra verksins, koma allir nemendur 7.–10. bekkjar í Varmahlíð að uppsetningunni með einum eða öðrum hætti en burðarhlutverkin eru í höndum 10. bekkinga auk þess að semja flesta dansana. Nemendur 10. bekkjar fengu sitt hlutverk í hendur í desember og þá var einnig farið að líta aðeins á dansana með aðstoð danskennara og voru æfingar svo teknar upp af fullum þunga strax að loknu jólafríi. Helga segir æfingar hafa staðið allan skóladaginn og stundum meira en það.
Þetta er ekki í fyrsta skipti sem Helga Rós setur upp stórar sýningar með Varmahlíðarskóla og hefur ekkert verið ráðist á garðinn þar sem hann er lægstur við val á viðfangsefnum. Til að mynda settu þau Mamma Mia á svið í fyrra en einnig má nefna söngleikina Grease og Footloose. „Þetta er líklega sú tólfta,“ segir Helga aðspurð um hvað hún hafi sett margar sýningar á svið hjá skólanum,“ og þetta er alltaf jafn gaman. Það er mikið lærdómsgildi fólgið í að setja upp svona sýningu. Auk þess að þurfa að læra mislangar rullur og koma þeim frá sér á skýran hátt semja nemendur 10. bekkjar flesta dansana og kenna yngri nemendum þá. Nemendur þurfa að læra og æfa sönglög, þeir koma að því að græja og gera sviðsmynd, smíða og mála auk ýmiss konar hugmyndavinnu. Einnig eru nemendur sem hljóðmenn, sviðsmenn og ljósamenn. Og svona mætti lengi telja. Auk þessa alls þarf svo að vinna þetta sem einn hópur svo úr verði sýning.“
Aðeins verða þessar tvær sýningar á verkinu og rétt er að geta þess að ekki er hægt að greiða með greiðslukortum.
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.