Viggó kveður skíðasvæðið eftir 20 ára starf
„Þetta var eins góður dagur og mögulegt var. Það hjálpaðist allt að, gott veður, gott færi og frábær snjór um allan Stólinn og þó víðar væri leitað. Það gekk bara allt upp, í einu orði sagt dásamlegur dagur,“ sagði Viggó Jónsson, staðarhaldari skíðasvæðisins, í nýjasta Feyki er hann var inntur eftir því hvernig hefði gengið er nýja skíðalyftan var vígð á AVIS skíðasvæðinu í Tindastól sl. sunnudag. Nú er komið að tímamótum hjá Viggó þar sem hann hættir hjá skíðadeildinni nú um helgina og er því að klára sína síðustu viku í starfi framkvæmdastjóra deildarinnar.
Vígsla lyftunnar var upphaf afmælishátíðar svæðisins en þessa vikuna hefur því verið fagnað að 20 ár eru síðan svæðið var tekið í notkun. Bryddað hefur verið upp á ýmsu í tilefni tímamótanna og segir Viggó að nú sé verið að reyna að peppa fólk upp í gönguskíðunum og í tilefni af því hafi brottfluttur skíðagarpur verið fenginn til að kenna. „Við verðum með engan annan en Sævar Birgisson, Ólympíufara, til að kenna á gönguskíði á fimmtudag og föstudag og svo verður Tindastólsgangan haldin á sunnudaginn. Tindastólsgangan verður skemmtiganga í sjálfu sér, ekki keppt um sæti heldur á þetta að vera fyrir alla, nokkurs konar gönguskíðaveisla,“ segir Viggó.
Nú er komið að leiðarlokum hjá honum varðandi forstöðu skíðasvæðisins og hyggst hann stinga skóflunni í skaflinn, eins og hann segir sjálfur og líkir því við íþróttamennina sem setja skóna á hilluna. „Ég er búinn að vera viðloðandi skíðasvæðið síðan 1989 þannig að það er ágætt að rifa seglin og hleypa nýju fólki að. Það er nauðsynlegt. Það á allt sitt upphaf og sinn endi. Þetta er búið að vera dásamlegur tími og frábært að koma þessu í þann farveg sem það er í dag. Ég vona að fólk sé ánægt og njóti þess að nota þetta frábæra svæði,“ segir Viggó sáttur við guð og menn.
„Vissulega hefði maður viljað sjá meira eftir sig, að það væri búið að koma þessu á betri stall en það er alltaf þannig að maður hefði viljað sjá þetta og hitt búið, en svona er þetta bara.“
Hvað Viggó fari að gera segist hann líklega finna sér eitthvað til dundurs og hnykkir á að líklega muni hann einbeita sér betur að Drangeyjaferðum.
Búið er að ráða eftirmenn Viggós, Sigurð Hauksson, sem tekur við troðaranum, og Rakel Steinþórsdóttur, sem tekur við framkvæmdastjórastöðunni. Að auki hafa fjórir lyftuverðir verið ráðnir á skíðasvæðið.
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.