„Við höldum áfram að bera okkur saman við bestu liðin á landinu“
Kvennalið Tindastóls í körfubolta fór í Stykkishólm á fimmtudaginn og spilaði gegn liði heimastúlkna í Snæfelli. Leikurinn endaði 87-51 fyrir Snæfell. Þrátt fyrir mikinn mun í lokin þá spiluðu Stólastúlkur oft glimrandi flottan bolta, að sögn Árna Eggerts Harðarsonar þjálfara Tindastóls, og verður spennandi að fylgjast með þeim í vetur.
Í liði Snæfells fór mikið fyrir Emese Vida og Iva Georgiva sem báru liðið lengstum uppi ásamt Önnu Soffíu Lárusdóttur. Í liði Tindastóls voru Marín Lind og Eva Wíum mjög áberandi en Eva gekk til liðs við Tindastól frá Þór Akureyri í sumar. Aðrar komust einnig mjög vel frá sínu.
Haiden Palmer var ekki með liði Snæfells en hún er væntanleg í vikunni. Í lið Tindastóls vantaði Telmu Ösp, sem er að ná sér af meiðslum, Berglindi Skaptadóttur, sem er að stíga upp úr veikindum, og þá vantaði Dominique Toussaint sem er væntanleg í Skagafjörðinn í vikunni frá Ameríku.
„Það var gaman að sjá þjálfara beggja liða nýta æfingaleikinn til að gefa ungum leikmönnum tækifæri en hjá Snæfell spilaði Inga Sól Hjartardóttir sinn fyrsta leik og hjá Tindastól spiluðu Anna Karen Hjartardóttir, Fanney María Stefánsdóttir og Rebekka Hólm Halldórsdóttir. Allar stigu á gólfið og verður spennandi að fylgjast með þeim á næstu árum,“ segir Árni Eggert.
Stutt í fyrstu leiki tímabilsins
Hvernig var leikur Stólastúlkna? „Það er ennþá margt sem á eftir að slípa til en við erum að taka stór skref á hverjum degi núna og að nálgast að vera tilbúin fyrir fyrsta leik. Liðið er búið að vaxa mikið núna eftir að tímabilinu lauk skyndilega og það sést vel hverjar nýttu tímann vel til að bæta sinn leik. Við höldum áfram að bera okkur saman við bestu liðin á landinu enda ætlum við að vera eitt þeirra sem fyrst. Við erum óðum að nálgast þann staðal sem þarf til að spila meðal þeirra bestu. Nú er okkar að halda áfram dugnaðinum sem þarf til að komast þangað."
Eru einhverjir æfingaleikir planaðir á næstu dögum? „Það eru nokkur lið sem hafa haft samband varðandi æfingaleiki, við eigum góða vini víða,“ segir Árni Eggert og bætir við: „Það er stutt í fyrstu leikina í deildinni en við byrjum helgina 26. og 27. september á að fá Vestra í heimsókn í tvo leiki. Dominique er væntanleg til landsins á næstu dögum og þegar við vitum betur tímarammann á sóttkvínni hjá henni þá reynum við að skipuleggja alla vega einn æfingaleik með henni."
Lið Tindastóls tekur þátt í 1. deild kvenna í vetur en að þessu sinni eru níu lið skráð til leiks en voru aðeins sjö í fyrra. Liðin sem spila í 1. deildinni eru auk Tindastóls; Stjarnan, Grindavík, Njarðvík, Ármann, ÍR, Hamar/Þór Þ., Vestri og Fjölnir b.
Fleiri fréttir
-
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.