Tvöfaldur skammtur af Stólastúlkum í kvöld
Stuðningsfólk Tindastóls gæti lent í smá veseni í kvöld þegar ákveða þarf hvar skal koma sínum Stólarassi fyrir á höfuðborgarsvæðinu. Ástæðan er sú að Stólastúlkur verða bæði í eldlínunni í Bestu deild kvenna í knattspyrnu á Samsung-vellinum í Garðabæ en í Austurbergi í Breiðholti Reykjavíkur spila körfuboltastelpurnar þriðja leikinn í einvígi sínu við lið Aþenu um sæti í Subway-deildinni.
Staðan í einvígi körfuboltaliðanna er 1-1 og því ekki spurning að góður stuðningur við Stólastúlkur gæti orðið gulls ígildi. Leikurinn hefst kl. 19:15. Fyrsta leikinn vann lið Aþenu með miklum yfirburðum en þá settu meiðsli lykilmanna Stólastúlkna strik í reikning gestanna. Þrátt fyrir að lið Tindastóls hefði ávallt verið skrefinu á undan í leik 2 og daðrað við að stinga lið Aþenu af náðu gestirnir að halda spennu í leiknum allt fram á lokasekúndurnar. Stólastúlkur lönduðu hinsvegar sigrinum og jöfnuðu einvígið.
„Stelpurnar hafa verið frábærar í vetur! Við hvetjum ykkur öll til þess að mæta í Austurberg í kvöld og hvetja stelpurnar áfram og halda uppi góðri stemmingu eins og okkur einum er lagið,“ segir á síðu Körfuknattleiksdeildar Tindastóls á Facebook. Miða má nálgast á Stubbi.
Þá spilar knattspyrnulið Tindastóls við Stjörnuna en sá leikur hefst kl. 18:00. Fótboltastelpurnar þurfa ekki síður stuðning en þær í körfunni eftir að hafa lotið í gras í fyrstu tveimur leikjum tímabilsins. Stig gegn Stjörnunni væru því vel þegin.
Áfram Tindastóll!
Fleiri fréttir
-
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.