Þrenna frá Luke Rae tryggði þrjú stig
Karlalið Tindastóls mætti Elliða á Króknum í kvöld en þeir eru nokkurs konar b-lið Fylkis. Stólarnir fengur fljúgandi start en Luke Rae skilaði þrennu í hús á fyrsta hálftímanum. Leikurinn var þó jafn og spennandi en 3-1 sigur var þó sanngjarn þegar upp var staðið en lið Tindastóls fékk fín færi til að gulltryggja sigurinn í síðari hálfleik.
Það var kuldaboli á Króknum í kvöld og hvimleið norðangola. Það truflaði ekki Luke Rae sem gerði fyrsta mark sitt á 5. mínútu eftir sendingu frá Jóhanni Daða. Leikurinn var opinn og hressilegur og bæði lið voru að skapa sér færi. Luke bætti við öðru marki sínu eftir að Benni lagði boltann snyrtilega inn fyrir vörn gestanna á 23. mínútu. Þriðja mark hans kom á 28. mínútu eftir gott spil Stólanna inni á vítateig gestanna og allt stefndi í þægilegan sigur. Gestirnir klóruðu hins vegar í bakkann fimm mínútum síðar eftir laglegt spil og þeir fengu færi til að minnka muninn frekar fyrir hlé en brást bogalistin.
Atli Dagur þurfti að vera á tánum í marki Tindastóls fyrstu mínútur síðari hálfleiks en síðan náðu heimamenn yfirhöndinni þegar gestirnir reyndu að færa sig framar og sköpuðu sér ágæt tækifæri. Jónas Aron, Benni og Luke fengu nógu góð færi til að gera út um leikinn á meðan Elliðar hömuðust en sköpuðu sér lítið. Hiti færðist í leikinn eftir því sem lokamínúturnar nálguðust og gestirnir sáu stigin ganga sér úr greipum. Þeir fengu gott færi á 90. mínútu en Atli varði glæsilega í marki Tindastóls. Ágætur dómari leiksins sá sig síðan tilneyddan til að taka suddalegt spjaldasóló í lokin en öll voru spjöldin þó í gula litnum. Gestirnir töpuðu leiknum en höfðu betur í spjaldasöfnuninni.
Þetta var sterkur sigur á ágætu fótboltaliði Árbæinga og með sigrinum komst lið Tindastóls í annað sæti 3. deildar. Luke Rae var hreint magnaður að þessu sinni og lék vörn gestanna grátt hvað eftir annað. Það var eiginlega með ólíkindum að hann næði ekki að refsa þeim í síðari hálfleiknum. Í fyrri hálfleik voru Stólarnir að tapa boltanum inni á miðjunni, þó sérstaklega Isaac Afriyie, og það skapaði hættu en það gekk betur að passa upp á boltann í síðari hálfleik og var barátta Tindastólsliðsins til mikillar fyrirmyndar.
Næsti leikur Tindastóls er gegn liði Augnabliks í Kópavogi en mánudag í verslunarmannahelgi kemur lið KV í heimsókn á Krókinn. Áfram TIndastóll!
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.