Þórsarar lagði í háspennuleik í 1. deild körfuboltans
Stólastúlkur áttu góðan leik sl. laugardag er þær mættu nágrönnum sínum frá Akureyri í 1. deild kvenna í körfubolta á heimavelli og nældu sér í montréttinn yfir Norðurlandi um. Leikurinn var spennandi frá upphafi til enda og um hörkuleik að ræða og myndaðist sannkölluð sigurstemning hjá þeim rúmlega 200 áhorfendum sem létu sig ekki vanta á pallana.
Gestirnir skoruðu fyrstu stigin strax á 7. sekúndu og voru komnir í þriggja stiga forustu þegar Stólar settu sitt fyrsta á töfluna eftir liðlega tvær mínútur. Þórsarar leiddu lungann úr fyrsta leikhluta og voru með sjö stiga forystu þegar þrjár mínútur voru eftir 8-15 en þá sögðu Stólastúlkur stopp og söxuðu á forskot Þórs jafnt og þétt og áður en yfir lauk höfðu okkar stelpur náð að jafna 17 – 17.
Í upphafi annars leikhluta skiptust liðin á forystu en gestirnir náðu þó yfirhöndinni eftir tveggja mínútna leik allt þar til gestgjafarnir jöfnuðu um hann miðjan 26 – 26. Þá var sett í fluggírinn og náðu Stólar að bæta 14 stigum við meðan Þórsarar settu einungis fjögur í viðbót og staðan því 40 – 30 í hálfleik.
Það forskot sem heimastúlkur höfðu náð hélt áfram fram í miðjan leikhlutann en þá náðu Akureyringar að klóra í bakkann og rétta sinn hlut að nokkru en ekki nóg til að jafna.
Staðan 50 - 46 fyrir Skagfirðingum áður en lokaleikhluti hófst. Akureyringar gerði allt til að rétta sinn hlut og gerðu harða hríð að stöllum sínu vestan Tröllaskaga en hvernig sem reynt var héldu stelpurnar í Tindastól forustunni allt til enda og lönduðu glæsilegum sigri 70 – 59.
Madison Anne Sutton var óstöðvandi sem fyrr en hún skoraði nær helming stiga heimastúlkna eða alls 34 stig, tók 18 fráköst og fiskaði 13 villur sem gaf henni 39 framlagspunkta. Næst kom Ingigerður Sól Hjartardóttir, sem nýlega gekk í raðir Tindastóls, með 12 stig. Inga Sólveig Sigurðardóttir var drjúg í fráköstunum, tók 13 alls og endaði með 20 framlagspunkta.
Í liði gestanna var fyrrum leikmaður Tindastóls Eva Wium Elíasdóttir stigahæst með 19 stig og Karen Lind Helgadóttir kom næst með 16.
Tindastóll situr sem fyrr í 8. sæti en nú með 12 stig eftir 14 leiki en Þórsarar verma 4. sætið með 18 stig, átta stigum á eftir Ármanni sem trónir á toppi 1. deildar með 26 stig.
Næsti leikur Tindastóls er gegn KR þriðjudaginn 22. febrúar í Síkinu á Króknum og þá er eins gott að mæta og styðja við sitt lið en með sigri geta Stólar jafnað KR að stigum þ.e.a.s. tapi Vesturbæingar gegn Stjörnunni nú á miðvikudaginn.
Áfram Tindastóll!
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.