Þægilegur sigur á Þorlákshafnar Þórsurum
Fyrsti æfingaleikurinn í körfunni fór fram í Síkinu í gær en þá kom lið Þórs úr Þorlákshöfn í heimsókn. Leikurinn var ágæt skemmtun og hart tekist á. Lið Tindastóls náði fljótlega yfirhöndinni í leiknum og varð munurinn mestur 20 stig í leiknum í síðari hálfleik. Tindastólsmenn voru Kanalausir, en Shawn Glower er enn ekki mættur á Krókinn, á meðan gestirnir mættu með fullskipað lið eftir því sem Feykir kemst næst.
Hjalti Árna var í Síkinu ásamt góðum hópi stuðningsmanna sem eflaust hefur verið farið að þyrsta í körfubolta en síðasta tímabil var flautað af í mars, nokkru áður en úrslitakeppnin átti að hefjast. En hér er hluti af umfjöllun Hjalta á Körfunni.is:
„Leikurinn fór frekar rólega af stað eins og búast mátti við og sóknarleikur beggja liða nokkuð stirður. Heimamenn virkuðu þó sterkari frá upphafi og leiddu 24-17 eftir fyrsta leikhluta. Liðin skiptust á þristum í upphafi annars leikhluta og Pétur Rúnar var með sterka innkomu eftir að hafa byrjað á bekknum og sama mátti segja um Emil Karel hinumegin. Stigaskorið í leikhlutanum nokkuð jafnt og Tindastóll leiddi í hálfleik 44-38.
Pétur Rúnar og Tomsik héldu áfram að gera gestunum lífið leitt í þriðja leikhluta og voru vel studdir af Antanas sem hirti alls 14 fráköst í leiknum. Munurinn jókst hægt og þétt og Stólar náðu 9 stiga forystu eftir frábæra alley-up troðslu frá Jaka. Eftir þriðja leikhluta var munurinn orðinn 12 stig og heimamenn litu ekki til baka eftir það. Síðasti leikhlutinn einkenndist svolítið af mistökum beggja liða og ekki var mikið skorað, lokatölur 81-68.
Pétur Rúnar var öflugastur heimamanna með 21 stig (7-10 í skotum), 7 fráköst og 5 stoðsendingar. Tomsik var mikið í boltanum og skilaði 22 stigum en of mörg skot dönsuðu af hringnum. Viðar, Hannes, Jaka, Helgi Rafn og Axel áttu ágætis leik og Antanas reif niður 14 fráköst eins og áður segir og heilt yfir leit Tindastólsliðið ágætlega út miðað við fyrsta leik haustsins og eiga eftir að styrkjast enn frekar þegar Bandaríkjamaðurinn kemur inn í liðið. Erfiðara var að átta sig á Þórsurum sem virkuðu losaralegir og skipulagið ekki upp á það besta. Emil Karel var að hitta vel og Halldór Garðar stýrði liðinu oft betur en bandaríkjamaðurinn Larry. Stólar unnu frákastabaráttuna nokkuð afgerandi og það hafði sitt að segja um lokaniðurstöðuna.“
Næsti æfingaleikurinn hér heima er áætlaður þann 21. september þegar Akureyrar-Þór kemur í heimsókn.
Fleiri fréttir
-
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.