Stólastúlkur komnar í átta liða úrslitin í Mjólkinni
Í dag fór fram síðasti leikurinn í 16 liða úrslitum í Mjólkurbikar kvenna. Þá mættust lið Augnabliks og Tindastóls innanhúss í Fífu þeirra Kópavogsbúa. Það er skemmst frá því að segja að stelpurnar okkar gerðu sér lítið fyrir og sigruðu 1-2 og eru því komnar í átta liða úrslit í Mjólkurbikarnum sem er frábær árangur. Tvö lið úr Inkasso-deildinni eru í 8 liða úrslitunum, lið ÍA, en annars eru það aðeins Pepsi-deildar lið sem verða í pottinum góða þegar dregið verður á morgun.
Lið Augnabliks fór betur af stað í leiknum en Murielle og Vigdís voru hættulegar í sókn Tindastóls. Vigdís Edda kom liði Tindastóls yfir á 25. mínútu með góðum skalla eftir fyrirgjöf. Bæði lið fengu ágæt færi fram að hléi, Murr slapp m.a. í gegnum vörn Augnabliks rétt fyrir hlé en brást bogalistin, en staðan 0-1 í hálfleik.
Kópavogsstúlkurnar komu ákveðnar til leiks í síðari hálfleik og pressuðu talsvert. Lið Tindastóls, með Bryndísi Rut fremsta í flokki, varðist vel og Lauren átti góðan leik í markinu. Það kom þó að því að Augna-Blikarnir jöfnuðu en þá fékk Rebekka Ágústsdóttir góða sendingu á fjærstöng og skoraði af öryggi. Strax í kjölfarið vildu heimastúlkur fá dæmda vítaspyrnu en dómarinn taldi ekki um brot að ræða. Það var síðan á 85. mínútu sem Bryndís Rut frá Brautarholti gerði sigurmark leiksins með frábærum skalla eftir hornspyrnu. Heimastúlkur reyndu að jafna en Stólastúlkur voru ólseigar og héldu út lokamínúturnar og fögnuðu sætum sigri í leikslok.
Í skýrslu leiksins á Fótbolti.net segir að bestar í leiknum hafi verið þær stöllur Bryndís Rut, sem var örugg í hafsentinum og gerði sigurmarkið, og Krista Sól, sem var mjög dugleg bæði í vörn og sókn. Lið Augnabliks átti fleiri færi í leiknum en sóknarmönnum liðsins tókst aðeins að skora eitt mark.
Sem fyrr segir verður dregið í 8 liða úrslitin á morgun og liðin í pottinum eru Valur, Þór/KA, ÍA, Selfoss, KR, HK/Víkingur, Fylkir og Tindastóll. Leikið verður síðustu helgina í júni og nú er bara að krossa fingur og vona að Stólastúlkur fái heimaleik í næstu umferð – þá verður gaman!
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.