Stólarnir stálu stigi á Kópavogsvelli
57 áhorfendur sáu lið Tindastóls stela nettu stigi þegar strákarnir gerðu 3-3 jafntefli gegn liði Augnabliks í 3. deildinni í dag. Kópavogspiltarnir voru lengstum betra liðið en Stólarnir sýndu hörku karakter og neituðu að lúta í gras og uppskáru jöfnunarmark í uppbótartíma. Stig sem gæti reynst dýrmætt þegar talið verður upp úr kössunum í haust – eða þannig.
Blikarnir yfirspiluðu lið Tindastóls fyrsta hálftímann en vörnin hélt og Stólarnir komust inn í leikinn, fóru að ná að spila út úr vörninni en það var þó gegn gangi leiksins sem strákarnir komust yfir á 37. mínútu. Þá fór Benni illa með vörn heimamanna og sendi boltann fyrir mark Augnabliks þar sem Isaac Owusu kom á ferðinni og skoraði. Heimamenn voru snöggir að snúa leiknum sér í hag því þeir gerðu tvö mörk í hvelli, fyrst Breki Barkarson á 39. mínútu og síðan Þorleifur Úlfarsson á 42. mínútu. Staðan 2-1 í hálfleik.
Lið Tindastóls var ekki lengi að jafna metin í síðari hálfleik en á 49. mínútu stangaði Michael Ford boltann í mark Augnabliks eftir góðan undirbúning Luke Rae. Hart var barist í framhaldinu en á 80. mínútu braut Isaac (sá enski) af sér í teignum og Þorleifur skoraði úr vítinu. Lið Tindastóls fékk síðan tvö dauðafæri á lokamínútum leiksins. Fyrst skallaði Konni í þverslá af örstuttu færi eftir aukaspyrnu en á 91. mínútu kom jöfnunarmarkið. Stólarnir fengu þá aðra aukaspyrnu sem Benni skrúfaði yfir á fjærstöng þar sem Konni var mættur og skallaði í netið.
Það er að sjálfsögðu sterkt að ná í stig á erfiðum útivelli þegar liðið er ekki að spila vel. Að sögn Óskars Smára, sem Feykir náði í að leik loknum, var Þorbergur Þór Steinarsson, hægrikantur Augnabliks, langbestur á vellinum og lék vörn Tindastóls grátt. Í liði Tindastóls voru Konni og Benni bestir.
Lið Tindastóls er með 15 stig eftir átta leiki og er í þriðja sæti deildarinnar. Mánudaginn 3. ágúst kemur lið KV, sem er í öðru sæti deildarinnar, í heimsókn á Krókinn en KV (Knattspyrnufélag Vesturbæjar) er B-lið Íslandsmeistara KR. Það er mikilvægt að ná góðum úrslitum í þeim leik. Áfram Tindastóll!
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.