Stólarnir komnir í undanúrslit Geysis-bikarsins eftir laufléttan sigur á Þór
Það var reiknað með hörkuleik í gærkvöldi þegar lið Tindastóls og Þórs frá Akureyri mættust í átta liða úrslitum Geysis-bikarsins í Síkinu. Í öðrum leikhluta stungu Stólarnir granna sína frá Akureyri af og voru 20 stigum yfir í hálfleik og í síðari hálfleik náðu gestirnir aldrei að ógna liði Tindastóls sem bætti bara í frekar en hitt. Lokatölur 99-69 og það eru Stjörnumenn sem mæta liði Tindastóls í undanúrslitum í Laugardalshöll í febrúar.
Jafnræði var með liðunum fyrstu mínúturnar og liðin skiptust á um að hafa forystuna. Bæði lið virtust sjóðheit og staðan 15-17 fyrir Þór þegar um sex mínútur voru liðnar. Þá náðu Stólarnir ágætum kafla og eftir hefðbundinn lokaþrist frá Hannesi var staðan orðin 27-21. Simmons og Júlíus Orri komu báðum liðum á blað í upphafi annars leikhluta en þá kviknaði á varnarleik Tindastóls og næstu fjórar mínúturnar gerðu gestirnir ekki stig á meðan Stólarnir gerðu 13. Á þessum kafla liggur við að megi segja að Viðar hafi nánast komið í veg fyrir að Þórsarar kæmust yfir miðju en kappinn var í góðu stuði í sinni sóló-snakkveislu; með fulla skál af fráköstum og nokkra ískalda stolna bolta á kantinum! Sóknarleikur Tindastóls var vel smurður og körfurnar komu úr öllum áttum. Staðan í leikhléi var 52-32.
Gestirnir ætluðu greinilega að koma ákveðnari til leiks í síðari hálfleik en þeir náðu mest að minnka muninn í 16 stig en nær komust þeir ekki. Upp úr miðjum leikhlutanum fór að halla undan fæti á ný hjá Þórsurum og staðan breyttist á rúmum fjórum mínútum úr 56-40 í 74-44 og síðan gerði Hannes síðustu sjö stig Stólanna í leikhlutanum. Staðan 81-48. Þórsarar höfðu fengið lítið framlag frá könum sínum í leiknum og Jamal Palmer gerði til dæmis sitt fyrsta stig í lok þriðja leikhluta en hann komst á pínu skrið síðustu fjórar mínútur leiksins. Þá voru bæði lið löngu byrjuð að hvíla sína lykilmenn og úrslitin löngu ráðin.
Lið Tindastóls spilaði vel í gær, flest var að ganga upp og allir leikmenn liðsins komust á blað. Skotnýting liðanna var svipuð innan teigs en heimamenn voru að hitta mun betur utan 3ja stiga línunnar og sömuleiðis af vítalínunni. Þá voru Tindastólsmenn sterkari í frákastabaráttunni og stálu fleiri boltum.
Að þessu sinni var það Hannes Ingi sem var stigahæstur í liði Tindastóls með 19 stig og átti sannarlega fínan leik. Simmons spilaði mest í liði Stólanna og hann endaði með17 stig og Jaka Brodnik 15. Aðrir komust ekki yfir tíu stigin en allir leikmenn skiluðu ágætu framlagi og komust á blað í stigaskorinu. Fimm leikmenn Þórs gerðu tíu stig eða meira en stigahæstur var Pablo Montenegro sem gerði 12 stig.
Sem fyrr segir er það Stjarnan sem bíður Stólanna í undanúrslitum sem fram fara í Laugardalshöllinni. Samkvæmt vef KKÍ mætast liðin miðvikudaginn 12. febrúar kl. 20:15. Næsti leikur Tindastóls er hinsvegar nú á föstudaginn þegar Valsmenn, léttir í lund, mæta í Síkið. Leikurinn hefst kl. 18:30 að þessu sinni. Stólarnir eiga harma að hefna þar sem Valsmenn stálu stigunum í fyrri umferðinni. Áfram Tindastóll!
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.