Stólarnir enda í þriðja sæti og mæta Keflvíkingum í úrslitakeppninni
Lið Tindastóls fékk annað tækifæri til að tryggja sér annað sætið í Dominos-deildinni í lokaumferðinni í kvöld. Mótherjarnir voru Haukar og var leikið í Hafnarfirði og útlitið var ágætt þegar síðasti leikhlutinn hófst en þá köstuðu Stólarnir sigrinum frá sér með slæmum leik og á endanum fögnuðu Haukar þriðja sigri sínum í röð. Lokatölur 77-74.
Jafnræði var með liðunum í upphafi en Stólarnir voru fjórum stigum yfir, 14-18, að loknum fyrsta leikhluta. Haukarnir, sem lengi hafa reynst Stólunum erfiðir, voru fljótir að jafna í öðrum leikhluta og leikurinn hnífjafn fram að hléi, en Hester sá til þess að Stólarnir fóru með tveggja stiga forystu inn í hálfleik. Staðan 34-36.
Snemma í þriðja leikhluta átti Tindastólsmenn góðan kafla, ekki síst fyrir tilstilli Helga Viggós sem gerði þá sjö stig á skömmum tíma og staðan 40-50. Munurinn á liðunum yfirleitt átta til tólf stig til enda þriðja leikhluta, en þá var staðan 50-60. Þá dundi ógæfan yfir og Haukar gerðu þrettán fyrstu stig fjórða leikhluta. Björgvin minnkaði muninn en næstu fjögur stig komu frá Cedrick Bowen og síðan náðu Haukar tíu stiga forystu, 74-64, þegar fjórar mínútur voru eftir – höfðu þá gert 24 stig gegn fjórum Stólanna á sex mínútum. Strákarnir gáfust þó ekki upp og náðu að þétta vörnina og minnka muninn í tvö stig, 76-74, þegar ein og hálf mínúta var eftir, en fleiri körfur gerðu þeir ekki í kvöld og aðeins Emil Barja sem bætti við einu stigi úr víti fyrir heimamenn.
Á sama tíma og flautað var til leiksloka í Hafnarfirði skriðu Stjörnumenn fram úr deildarmeisturum KR í Vesturbænum og kræktum nokkrum mínútum síðar í sigur sem tryggði þeim annað sætið á kostnað Tindastólsmanna. Fyrir vikið mætir Stjarnan spræku liði ÍR í úrslitakeppninni, en Stólarnir fá að eiga við Keflvíkinga og eiga að sjálfsögðu heimaleikjaréttinn. Úrslitakeppnin hefst 16. mars en enn á eftir að raða niður leikjunum.
Hester gerði nítján stig í kvöld og var stigahæstur Stólanna en þétt á eftir honum komu Helgi Viggós og Pétur Birgis með 17 stig hvor. Helgi var frákastahæstur Stólanna með níu stykki en Pétur skilaði sjö stoðsendingum og endaði því með flestar stoðsendingar í deildarkeppninni. Chris Caird var enn ekki mættur til leiks í liði Tindastóls. Bestur í liði heimamanna var fyrrum KR-ingurinn, Cedrick Bowen, en hann gerði 19 stig á rétt rúmum 20 mínútum. Aðrir leikmenn Hauka fóru ekki yfir tíu stigin.
Fleiri fréttir
-
Baráttusigur Stólastúlkna í Hveragerði
feykir.is Skagafjörður, Íþróttir, Lokað efni 27.11.2024 kl. 09.10Kvennalið Tindastóls í Bónus deildinni tók þátt í enn einum spennuleiknum í gærkvöldi þegar liðið sótti Hamar/Þór heim í Hveragerði. Eftir leik sem lengstum var hnífjafn, liðin skiptust 13 sinnum á um að hafa forystuna og 14 sinnum var allt jafnt, þá voru það gestirnir sem reyndust grimmari á lokakaflanum. Þær voru níu stigum undir þegar fimm mínútur voru til leiksloka en snéru taflinu við og unnu leikinn 103-105.Meira -
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.