Sex fúlar flyðrur frá Fáskrúðsfirði í net Stólanna
Tindastólsmenn héldu austur í dag og spiluðu við sprækt lið Leiknis frá Fáskrúðsfirði í Fjarðabyggðarhöllinni. Eitthvað virðast þessar hallir koma Stólunum úr stuði því líkt og á móti Akranes-Kára á dögunum þá fengu strákarnir rassskell og gáfu andstæðingunum mörk á færibandi. Lokatölur 6-0 og ekki batnaði útlitið á botninum við það.
Lið Leiknis var á toppi deildarinnar þegar Stólarnir mættu austur og hafa verið að spila vel í sumar. Þeir töpuðu engu að síður í síðustu umferð fyrir Þrótti Vogum á meðan Stólarnir lúskruðu á Garðbæingum. Næsti leikur Tindastóls er einmitt við Vogara.
Það tók Leiknismenn bara eina mínútu að gera fyrsta markið og þar var á ferðinni Izaro Abella Sanchez. Sæþór Viðarsson bætti öðru marki við á fimmtu mínútu og staða Tindastóls vægast sagt orðin erfið. Daniel Garcia Blanco bætti við þriðja marki heimamanna á 39. mínútu og staðan því 3-0 í leikhléi. Sem betur fer fengu Stólarnir ekkert mark á sig í hléinu en Mykolas Krasnovskis gerði fjórða mark Leiknis á 58. mínútu, Blanco það fimmta á 66. mínútu og Unnar Hansson átti rothöggið á 87. mínútu.
Arnar Skúli Atlason, annar þjálfara Tindastóls, sagðist því miður ekki taka neitt jákvætt úr leiknum, liðið byrjaði leikinn illa og svo fór þetta versnandi, Stólarnir hafi hreinlega gefið mörk. Tanner, Ísak og Sverrir Hrafn fengu allir að líta gula spjaldið á lokakafla leiksins, spjöld sem Arnari Skúla fannst ekki sanngjörn, og ljóst er að Tanner verður í banni þegar lið Selfoss kemur á Krókinn í lok mánaðarins. Næsti leikur verður á Vogaídýfu-vellinum í Vogum (ekki djók) og hefst hann nk. sunnudag kl. 16:00.
Staða Tindastóls á botni 2. deildar varð bara snúnari í dag og ljóst að það þarf mikið að lagast í leik liðsins ef það á að ná að tryggja sæti sitt í deildinni – en miði er möguleiki. Áfram Tindastóll!
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.