Rúnar Már mætir á Old Trafford
Það er óhætt að fullyrða að einn af draumum skagfirsku knattspyrnukempunnar Rúnars Más Sigurjónssonar sé við það að rætast en Rúnar, sem spilar sem atvinnumaður með liði Astana frá Kasakstan, mun að öllu óbreyttu skeiða um Old Trafford leikvanginn í Manchester eftir viku. Lið Rúnars er í sama riðli og Manchester United í Evrópu-deildinni í knattspyrnu og liðin mætast í Englandi þann 19. september nk.
Rúnar Már hefur verið fjallgrimmur stuðningsmaður Manchester United frá fyrstu tíð og sama má segja um nánustu ættingja hans. Má jafnvel fullyrða að áhuginn og stuðningurinn við MU hafi verið gegndarlaus. Samkvæmt heimildum Feykis þá munu um 40 fjölskyldumeðlimir Rúnars fljúga til Englands í næstu viku til að sjá strákinn berjast við hetjurnar í Manchester United.
Það munu örugglega einhverjir þeirra verða í vandræðum með að hvetja lið Astana gegn MU. Að sögn Helgu Láru, systir Rúnars, „...eru ALLIR United fan (í báðum ættum) nema ég sem held með Liverpool!“ Hún segir að þó munu flestir í fjölskyldunni gera undantekningu að þessu sinni og halda með Astana.
Rúnar Már hefur verið að spila vel með liði Astana en hann færði sig frá Sviss til Kasakstan í sumar. Meðal annars skoraði hann nokkur mikilvæg mörk í undankeppni Evrópudeildarinnar. Nú á dögunum spilaði hann með íslenska landsliðinu. Hann kom inn á í sigurleik gegn Moldavíu og lék allan leikinn gegn Albaníu. Þrátt fyrir tap í þeim leik komst Rúnar Már vel frá sínu, átti stóran þátt í báðum mörkum Íslands, og var tvímælalaust einn af þremur bestu leikmönnum liðsins í leiknum.
Blaðamann Feykis rámaði í það að Rúnar hefði yfirleitt alltaf verið í Manchester United gallanum og með boltann á tánum hér áður fyrr. Það var því alveg athugandi að kanna hvort mamma hans, Sigurlaug Konráðsdóttir, ætti ekki einhverjar myndir af stráknum til að lána Feyki til birtingar í tilefni leiksins. Þær voru að sjálfsögðu til og augljóst að Rúnar hefur lengi dreymt um að spila á Old Trafford – en þá sennilega í Júnæted-búningnum.
Feykir mun segja frá ferðalaginu á leik Manchester United og Astana síðar.
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.