Meistaraflokkur kvenna keppir við Hauka í Síkinu á morgun kl. 14 í Geysisbikarnum
Stelpurnar í Meistaraflokki kvenna í körfuboltanum þurfa allan þann stuðning sem völ er á á morgun þegar þær mæta Haukum í Síkinu kl. 14:00. Lið Hauka, er eins og staðan er í dag, í 5. sæti í Dominos-deildinni og verður því gaman að sjá hvar stelpurnar okkar standa í þessum leik en þær eru á toppi 1. deildarinnar með 11 leikna leiki og 16 stig. Þær eru allar sem ein búnar að standa sig einstaklega vel í vetur undir stjórn Árna Eggerts og hvetjum við alla til að mæta og styðja stelpurnar til sigurs. Á meðan á leiknum stendur verður boðið upp á vöffluhlaðborð þar sem fólk getur borðað á sig gat af vöfflum og borgar aðeins 1000 kr. á mann fyrir.
Feykir hafði samband við Árna Eggert, þjálfara Tindastóls, og spurði hann út í leikinn.
Hvernig leggst leikurinn við Hauka í þig? „Leikurinn við Hauka leggst vel í okkur, við erum spennt að fá að bera okkur saman við eitt besta lið landsins og sjá hvar við stöndum. Haukarnir eru með mjög jafnt lið með mikið af góðum leikmönnum sem verður gaman fyrir okkur að fá að kljást við. Þær voru að fá til sín nýjan erlendan leikmann sem hefur byrjað vel í fyrstu leikjunum, svo eru þarna þrjár sem voru að spila í síðasta landsliðsverkefni fyrir Íslands hönd. Við erum spennt, því stærra sem verkefnið er því betur höfum við vanalega spilað. Hvet því alla til að mæta á laugardaginn og hjálpa okkur að gera ennþá betur.“
Hvernig er staðan á mannskapnum fyrir leikinn? „Fyrirliðinn okkar hún Rakel Rós er ennþá frá vegna meiðsla en annars eru allar aðrar tilbúnar í leikinn.“
Ertu sáttur við gengi Tindastóls í 1. deildinni í vetur? „Sem stendur erum við efst í deildinni, búin að gera betur en í fyrra og deildin ekki hálfnuð. Það er erfitt að vera ósáttur við það en það er ærið verkefni framundan að halda okkar stöðu. Ég er samt ánægðastur með hvað liðið hefur tekið mínum hugmyndum og aðferðum vel og hvað við erum byrjuð að vaxa vel saman. Ég er að sjá miklar framfarir hjá bæði einstaklingum og liðinu. Það gleður mig meira en árangur á stöðutöflunni því það þýðir að við erum að leggja okkur fram í því sem við tökum okkur fyrir hendur. Það endurspeglast síðan í stöðu okkar í deildinni. Við leggjum okkur fram við að vera duglegust,“ segir Árni Eggert að lokum.
Stuðningsmenn Tindastóls eru hvattir til að fjölmenna á báða leikina og styðja lið Tindastóls alla leið!
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.