Jafnt í norðanrokinu í Þorlákshöfn
Tindastólspiltar renndu í Þorlákshöfn í dag og léku við lið Ægis á Þorlákshafnarvelli í norðanroki sem hafði mikil áhrif á spilamennsku liðanna. Niðurstaðan varð sú að liðin deildu stigunum, heimamenn komust yfir í fyrri hálfleik en Tanner Sica gerði mark Stólanna í síðari hálfleik og lokatölurnar 1-1 en litlu mátti muna að Tindastólsmenn næðu sigurmarki í blálokin.
Samkvæmt upplýsingum Feykis spilaði lið Tindastóls vel gegn hvössum vindi til að byrja með og skapaði sér 3-4 ágæt færi sem fóru forgörðum. Upp úr miðjum fyrri hálfleik náðu heimamenn undirtökunum og Viktor Marel Kjærnested kom þeim yfir á 34. mínútu en markið kom eftir hornspyrnu. Stólarnir spiluðu undan vindi í síðari hálfleik en náðu ekki að nýta sér það nægilega vel. Jöfnunarmarkið kom á 65. mínútu, sömuleiðis eftir hornspyrnu, og það var sem fyrr segir Tanner Sica sem skoraði það en þetta var hans fyrsta mark fyrir lið Tindastóls en kappinn er nú að spila sitt þriðja tímabil á Króknum. Það var því kominn tími til!
Leikurinn var tíðindalítill fram á lokamínúturnar en þá fékk Konni ágætt tækifæri til að stela stigunum sem í boði voru en hann skaut í varnarmann og þaðan fór boltinn aftur fyrir endamörk. Hornspyrnan endaði í þverslánni á marki Ægis og reyndist það síðasta spyrna leiksins. Niðurstaðan í raun sanngjörn, eitt stig á lið og Stólarnir áfram í þriðja sæti deildarinnar.
Jamie McDonough, þjálfari Tindastóls, var ánægður með leik sinna manna í fyrri hálfleik. „Við vorum frábærir gegn vindinum, vorum rólegir á boltanum og spiluðum vel út úr vörninni gegn vindinum. Við sköpuðum þá 3-4 góð tækifæri við mjög krefjandi aðstæður. Í síðari hálfleik nýttum við ekki sterka stöðu okkar með vindinn í bakið, við reyndum að þvinga leikinn of mikið og fylgdum ekki leikskipulaginu okkar. Eitt stig er þó betra en ekki neitt við á erfiðum degi eins og þessum,“ sagði Jamie í spjalli við Feyki.
Næsti leikur Tindastóls er hér heima nk. miðvikudagskvöld en þá kemur lið Elliða í heimsókn en það er einskonar B-lið Fylkis. Leikurinn hefst kl. 19:00. Áfram Tindastóll!
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.