Ísak Óli Traustason íþróttamaður Tindastóls 2019
Fyrr á árinu var íþróttamaður Tindastóls kosinn fyrir árið 2019 og að þessu sinni varð það Ísak Óli Traustason, frjálsíþróttamaður, sem varð fyrir valinu. Í tilkynningu frá Tindastóli segir að Ísak Óli hafi átt gott ár í frjálsum á síðasta ári og því vel að þessum titli kominn. Jafnframt hlaut Ísak Óli titilinn Íþróttamaður Skagafjarðar og Frjálsíþróttamaður Tindastóls árið 2019. Fjallaði Feykir þá um málið. Er hann því með þrennu eftir síðasta ár.
Ísak Óli er fæddur árið 1995 og verður því 25 ára í október á þessu ári. Hann er frá bænum Syðri-Hofdölum í Skagafirði og er sonur Trausta Kristjánssonar og Ingibjargar Aadnegard. Hann gekk í Varmahlíðarskóla og síðan FNV á Sauðárkróki. Nú stundar hann nám í íþrótta- og heilsufræði við HÍ, býr í Reykjavík á veturna en Skagafirði á sumrin þar sem hann vinnur á íþróttavellinum á Sauðárkróki.
Að sögn Ísaks átti hann ekki endilega von á þessum titli og kom þetta honum skemmtilega á óvart því Skagfirðingar eigi fullt af flottum íþróttamönnum sem séu að standa sig frábærlega. Hann segist hafa fyrst prufað frjálsar árið 2010 en ekki byrjað að æfa á fullu fyrr en um 2013/2014 og frá 2016 hefur hann alfarið einbeitt sér að tugþraut. Aðspurður segir Ísak erfitt að velja eina uppáhalds grein en klárlega sé það tugþrautin sem séu tíu greinar, en nefnir þó að grindarhlaup og stangarstökk séu í uppáhaldi þessa dagana.
„Undirbúningur fyrir mót er mjög mikilvægur. Ég minnka álagið á æfingum vikuna fyrir, fer í gegnum keppnisreglurnar í huganum og sé þetta fyrir mér. Ég sef síðan vel, borða góðan mat og mæti úthvíldur og ferskur til keppni,“ segir Ísak Óli er hann er beðinn að gefa lesendum Feykis uppskrift að góðum keppnisdegi.
Ísak Óli fékk bikarinn fyrir íþróttamann Tindastóls afhentan ekki fyrr en nú í vikunni vegna GOVID. Var það Guðlaugur Skúlason, formaður Tindastóls er afhenti hann. Óskar Feykir Ísak Óla til hamingju með þennan frábæra árangur og velfarnaðar í komandi keppnum.
/SHV
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.