Iðnaðarsigur Stólastúlkna í Grafarvoginum
Stólastúlkur spiluðu í dag við lið Fjölnis á Extra vellinum í Grafarvogi í sjöundu umferð Lengjudeildarinnar. Lið heimastúlkna hafði fyrir leikinn aðeins krækt í eitt stig en lið Tindastóls hefur hniklað vöðvana í baráttunni um sæti í Bestu deildinni að ári. Stólastúlkur byrjuðu leikinn vel og gerðu fljótt tvö mörk en náðu ekki að bæta við og unnu á endanum 0-2 sigur sem fleytti liðinu upp í annað sæti deildarinnar.
Bryndís Rut Haraldsdóttir kom gestunum yfir eftir 16 mínútna leik og níu mínútum síðar bætti Hannah Jane Cade við marki tvö. Sem fyrr segir þá skaust lið Tindastóls upp í annað sæti deildarinnar með sigrinum. Stólastúlkur eru með 16 stig en lið FH er á toppnum með 19 stig. Víkingur og HK eru síðan með 15 stig og spútniklið Fjarðabyggðar/Hattar/Leiknis er með 14 stig. Það stefnir því allt í æsispennandi baráttu um sæti í Bestu deildinni. Helsta áhyggjuefni Stólastúlkna er að illa gengur að nýta færin en liðið hefur aðeins gert tíu mörk í sjö leikjum. Vörnin stendur þó fyrir sínu og hefur aðeins lekið fjórum mörkum.
„Mér fannst úrslitin sanngjörn, áttum góðan fyrri hálfleik og uppskárum tvö mörk. Fyrra markið var skallamark eftir hornspyrnu og það seinna kom eftir lélega hreinsun frá markmanninum sem var kominn frekar langt út úr teignum svo Hannah náði boltanum og setti langa spyrnu yfir markmanninn. Fengum síðan mörg færi en boltinn vildi ekki aftur inn svo það gaf þeim smá von í seinni hálfleik en niðurstaðan var 2-0 sem er bara flott!“ sagði fyrirliði Stólastúlkna, Bryndís Rut, í samtali við Feyki.
Nú á fimmtudag kemur lið Augnabliks í heimsókn á Krókinn en fyrri umferðinni lýkur síðan með útileik Stólastúlkna gegn toppliði FH á Kaplakrikavelli.
Fleiri fréttir
-
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira -
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.