Hjólreiðafólk stígur fáka sína í Skagafirði á laugardaginn
Það verður nóg að gera hjá liðsmönnum Hjólreiðafélagsins Drangeyjar í Skagafirði en nk. laugardag, 4. júlí, mun félagið standa fyrir Drangeyjarmótinu sem er hluti af bikarmótinu í hjólreiðum. Þegar eru um 60 skráningar komnar í Drangeyjarmótið en gera má ráð fyrir því að þeim eigi eftir að fjölga. Keppt er í nokkrum styrkleikaflokkum karla og kvenna og auk þess er sérstakt almenningsmót sem er öllum opið.
Almenningsmótið fer af stað frá Varmahlíð kl. 9:00 á laugardaginn og er hjólaður svokallaður Blönduhlíðarhringur rangsælis. Þ.e. frá Varmahlíð, út Blönduhlíð, yfir Hegranesið á Sauðárkrók og þaðan aftur í Varmahlið. Hvetur Drangeyjarfólk alla liðtæka hjólara í héraðinu og nágrenni að taka þátt.
Bikarmótið sjálft byrjar hins vegar um kvöldið kl. 19:00 sama dag og er hjólað fram braut í Varmahlíð og út Blönduhlíð að vegamótum Siglufjarðarvegar og Sauðárkróksbrautar. Þar skiptast hóparnir, annars vegar þeir sem fara stystu leiðina og upp á Krók og þeir sem taka lengri leiðina og hjóla út í Hofsós, taka hring þar og til baka og upp á Krók. Allir flokka halda áfram frá Krók og fara alla leið upp í skíðalyftu og hafa keppendur þá hjólað 124 km og þar af rúmlega tvo km í klifur, þeir sem lengst fara. Þess má geta að frá Króknum og upp í skíðalyftu er nánast öll leiðin upp í móti og síðasti kaflinn brött og löng brekka.
Skipuleggjendur hvetja heimamenn til að koma og horfa á þennan viðburð og hvetja keppendur til dáða. Athugið að spottinn upp á skíðasvæðið verður lokaður þegar fyrstu keppendur byrja að fara þar upp. Einnig eru vinsamleg tilmæli um að sýna sérstaka aðgát á þessum leiðum í firðinum meðan keppnin fer fram og gefa keppendum pláss og forgang ef nokkur kostur.
Drangeyjarmótið var haldið í fyrsta sinn í fyrra og tókst þá með eindæmum vel, var þá hjólað við frábærar aðstæður og í einu besta veðri sumarsins. Horfur eru á fínu veðri á laugardaginn, stilltu og hlýju.
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.