Atli orðinn markahæstur HK-manna í efstu deild
Atli Arnarson hefur verið á skotskónum, eða kannski helst vítaspyrnuskónum, það sem af er tímabilinu í Pepsi Max deild karla. Atli er Króksari, sonur Möggu Aðalsteins og Ödda læknis Ragnarssonar og því alinn upp með Tindastólsmerkið á brjóstinu. Atli skoraði í vikunni tvö mörk fyrir lið sitt HK gegn ÍA á Skipaskaga og varð þar með markahæsti leikmaður HK í efstu deild, frá upphafi, með átta mörk.
Atli verður 27 ára á árinu og hóf meistaraflokksferilinn 15 ára gamall með sínu uppeldisfélagi, Tindastóli, þar sem hann spilaði m.a. með bræðrum sínum Alla og Árna. Eftir hörmuleg meiðsli sumarið 2013 gekk hann til liðs við Leikni í Reykjavík þar sem hann spilaði tvö sumur, þá skipti hann yfir í ÍBV og nú er hann með HK í Kópavoginum. Atli er vel spilandi miðjumaður og spyrnumaður góður en í 198 meistaraflokksleikjum hefur hann skorað 32 mörk og þar af eru fjögur komin nú í sumar. Feykir lagði örfáar spurningar fyrir Atla.
Hvernig er formið á þér nú í upphafi móts og hvert er markmiðið hjá liði HK? Formið er að verða fínt. Ég tognaði í lærinu 3 vikum fyrir mót og missti af byrjuninni en ég er að komast í fínt form held ég. Markmið okkar er að gera betur en í fyrra og reyna að blanda okkur í efri hlutann.
Hvernig tilfinning er það að vera orðinn markahæsti leikmaður HK í efstu deild? Það er ágætis tilfinning bara. Þessi titill, ef svo má segja, ber þess nú reyndar merki að HK hefur ekki spilað mörg tímabil í efstu deild en samt sem áður bara gaman að þessu og vonandi nær maður að bæta við þetta.
Þú ert ekkert að fagna mörkunum þínum með miklum látum. Er einhver fyrirmynd af þessum fögnum eða ætlarðu að fara að krydda þetta eitthvað á næstunni? Ég hef nú ekki mikið pælt í þessu en það er kannski eitthvað sem maður þarf að skoða. Spurning hvort að maður geti skráð sig á eitthvað námskeið í því.
Það er mikið skorað í Pepsi Max-deildinni. Hvað er í gangi? Það er góð spurning. Ég ætla nú ekki að þykjast vera með nákvæmt svar við því en mögulega tengist það því eitthvað að liðin koma ekki í eins góðu leikformi inn í mótið vegna Covid pásunnar. Sumir leikir hafa verið mjög opnir og liðin kannski ekki náð eins góðum undirbúning og þau hefðu viljað.
Hvaða liði spáirðu meistaratitlinum í haust? Spái okkur í HK að sjálfsögðu titlinum en ef við tökum þetta ekki þá eru Valur eða Breiðablik líkleg.
Feykir þakkar Atla fyrir spjallið.
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.