Ýmislegt úr Húnaþingi
Úr Húnaþingi er ýmislegt að frétta, mannlífið gott og kosningar afstaðnar. Helga Hinriksdóttir rölti um bæinn í gær og tók nokkrar myndir og sendi Feyki með skemmtilegum texta.
Miðvikudaginn 2. júní hélt Foreldrafélag Leikskólans Ásgarðs á Hvammstanga glæsilega sumarhátíð í leikskólanum við góða mætingu foreldra, nemenda og systkina. Var byrjað á því að flagga fána Ásgarðs, svo var farið í skrúðgöngu um hverfið. Þá tók við fjöldasöngur og leikir og að síðustu fengu allir grillaðar pylsur að borða og Svala að drekka.
Löng hefð er fyrir sumarhátíðinni í Ásgarði en því miður var veðrið ekki upp á sitt besta þetta skiptið. Leikskólinn Ásgarður er eini leikskólinn í Húnaþingi vestra. Það eru 56 nemendur við skólann og starfsmenn eru 19.
María Sigurðardóttir ætla að opna nýtt kaffihús á Hvammstanga í sumar.
Kaffihúsið er staðsett í gömlu fjósi og hlöðu við hliðina á Selasetri Íslands, og mun einmitt heita Hlaðan. Áætlaður opnunardagur er í kringum 17. júní og nú krossa allir bæjarbúar fingur og vona að það gangi eftir.
Mikill spenningur er yfir þessu kaffihúsi og heyrst hefur að margir ætli sér að "hanga á kaffihúsi" í sumar.
...og að öðru sem ekki hefur myndir:
Nytjamarkaðurinn á Hvammstanga opnar nú í 4. sinn laugardaginn 19. júní.
Það eru nokkrar konur sem standa að markaðinum sem upphaflega var settur af stað sem fjáröflun utanlandsferðar starfsmanna Heilbrigðisstofnunarinnar á Hvammstanga. Það árið var markaðurinn opinn tvisvar sinnum yfir sumarið við góðar móttökur heimamanna. Strax að hausti var ákveðið að hafa markaðinn aftur að ári - þó tilgangurinn hefði breyst. Síðan þá hefur hann verið opinn á laugardögum yfir mest allt sumarið. Alltaf er mikið um gesti í markaðinum, bæði heimafólk og ferðamenn. Ágóðinn af markaðinum rennur til góðgerðamála í Húnaþingi vestra. Einkunnarorð Nytjamarkaðarins eru "Eins manns rusl, er annars gull" og hefur það sýnt sig að markaðurinn er kominn til að vera. Mikið hefur borist af vörum nú í vetur þegar fólk hefur verið að taka til hjá sér og er það breyting frá því í fyrra. Markaðurinn er staðsettur í gömlum gærukjallara fyrir neðan KVH og verður opinn frá kl. 11 - 16 alla laugardaga í sumar út júlí.
Unglistahátíðin Eldur í Húnaþingi hefur verið haldin ár hvert síðan 2003 og er er hún alltaf haldin síðasta laugardag fyrir verslunarmannahelgi.
Undirbúningur er í fullum gangi en mikil vinna liggur að baki svona hátíðar sem öll er unnin í sjálfboðavinnu af ungu fólki í héraðinu.
Fastir liðir í hátíðinni eru t.d. opnunarhátíð, Melló Músíka - tónleikar með heimafólki, tónleikar í Borgarvirki, fjölskyldudagur og bæði barna- og fullorðinsball á laugardagskvöldi. Hljómsveitin Dikta og blúsbandið BeeBee and the Blue Birds verða með tónleika, Í Svörtum Fötum spila á balli, Daníel töframaður og félagi verða með námskeið í töfrabrögðum, borðtennismót í Kleppara, listasýningar og margt fleira verður í boði á Eldi í Húnaþingi daganna 21. - 25. júní. Hægt verður að fylgjast nánar með dagskránni þegar hún verður fullmótuð á http://eldur.hunathing.is
/Helga
Fleiri fréttir
-
Opið fyrir umsóknir í tvo sjóði hjá UMFÍ
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 03.04.2025 kl. 13.29Á vef UMFÍ segir að búið er að opna fyrir umsóknir í Fræðslu- og verkefnasjóð UMFÍ og Umhverfissjóð UMFÍ. Sjóðirnir gagnast afar vel þeim sem leita eftir stuðningi við félags- og íþróttastarf og umhverfisverkefni. Rétt til umsóknar úr sjóðunum eiga sambandsaðilar UMFÍ, aðildarfélög sem eru virk í starfi og deildir innan þeirra. Einnig eiga stjórn og nefndir UMFÍ rétt á að sækja um styrk úr sjóðunum.Meira -
Rabarbarafreyðivín þróað á Hvammstanga
feykir.is Austur-Húnavatnssýsla, Vestur-Húnavatnssýsla, Lokað efni 03.04.2025 kl. 11.50Bændablaðið segir frá því að á Hvammstanga er verið að þróa framleiðslu á íslensku víni, Rabarbarafreyðivínið Hret, og er áætlað er að það komi á innlendan markað árið 2026. Forsvarsmenn Hrets þær stöllur Hrund Jóhannsdóttir og Greta Clough vinna um þessar mundir að þróun á íslensku freyði- og ávaxtavíni. Markmiðið er að þróa farsælt vörumerki með áherslu á íslenskan uppruna en á alþjóðlegum markaði.Meira -
Domi ráðinn þjálfari yngri flokka hjá Hvöt
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 03.04.2025 kl. 11.26Stjórn knattspyrnudeildar Hvatar hefur ráðið Juan Carlos Dominguez Requena (Domi) í starf þjálfara yngri flokka hjá deildinni frá og með 1. apríl 2025. Dom kemur til deildarinnar frá Tindastól þar sem hann hefur þjálfað yngri flokka undanfarin ár.Meira -
Barnaleikritið Ferðin á heimsenda frumsýnd í kvöld
feykir.is Austur-Húnavatnssýsla, Vestur-Húnavatnssýsla, Mannlíf 03.04.2025 kl. 11.21Leikfélag Blönduóss frumsýnir í kvöld, fimmtudaginn 3. apríl, í Félagsheimilinu á Blönduósi, barnaleikritið Ferðin á heimsenda eftir Olgu Guðrúnu Árnadóttur. Stór og flottur leikhópur á öllum aldri tekur þátt í sýningunni og er það hinn reyndi leikstjóri, Sigurður Líndal sem stýrir hópnum.Meira -
Stólarnir tóku fyrsta sigurinn í einvíginu gegn Keflvíkingum
feykir.is Skagafjörður, Íþróttir, Lokað efni 02.04.2025 kl. 23.59Það reyndist raunin, líkt og Feykir hafði bent á í morgun, að Keflvíkingar voru sýnd veiði en ekki gefin. Þeir mættu brattir til leiks í Síkinu í kvöld í fyrstu rimmu deildarmeistara Tindastóls og Suðurnesjapiltanna í einvígi liðanna í átta liða úrslitum Bónus deildar karla. Eftir sveiflukenndan leik þá var það loks í blálokin sem Stólarnir tryggðu sér sigurinn eftir að gestirnir höfðu leitt með fjórum stigum í hálfleik. Lokatölu 94-87 og næst liggur leiðin í Keflavíkina.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.