Vindmyllur | Steinar Skarphéðinsson skrifar
Nýlega birtist í Feyki grein eftir Bjarna Jónsson alþingismann og varaformann utanríkismálanefndar Alþingis. Bjarni fjallar um vindmyllur og vindmyllugarða sem koma til með að koma í andlit fólks. Ég get fallist á það að það verði að gæta mikils hófs varðandi uppsetningu á vindmyllum.
Á sama tíma er hann að reyna að setja fótinn fyrir það að við getum reist vatnsaflsvirkjanir sem margar eru hin fegurstu mannvirki og hafa auk rafmagnsframleiðslu skapað ýmsa aðra möguleika. Þar má nefna Kárahnjúkavirkjun, stórfelldar vegaframkvæmdir, aukna ferðaþjónustu (Stuðlagil) og laxveiði (Jökulsá) sem er alveg nýtt veiðisvæði.
Nýlega stóð Bjarni að því að Skatastaðavirkjun var færð flokki aftar og sex miljarðarnir á ári renna því óhindrað áfram til sjávar undir vatnabrýrnar.
Fyrirsagnir í greininni gefa svolitla innsýn í hugarheim Bjarna: Landgæðum og náttúru fórnað fyrir orkuþörf Evrópu/Ekki heimild í íslenskum lögum til lagningar sæstrengs. Hver verður flutningsmátinn?.
Bjarni spyr svo hvað á að gera við alla þessa orku – lestu ekki blöðin eða hlustar á fréttir? Hvað brennum við miklu af díselolíu til þess að halda fiskvinnslu og mjölvinnslu gangandi fyrir austan? Er ekki verið að setja upp nýjan díselþurrkara fyrir austan? Hvað með Orkubú Vestfjarða?
Samkvæmt ályktun Landsvirkjunar er talið að aukning á raforkuþörf innanlands sé um fimmtán megavött á ári til þess að fullnægja eftirspurn. Þá er orkuþörfin einnig talin hamla þróun iðnaðar og orkuskipta. Þá er ótalin sú viðbót sem stóriðjan þarfnast en sumir eru að agnúast út í stóriðjuna og álverin. Álið er mjög mikilvægur málmur, hann er léttur og sterkur og því mikið notaður í flugvélar, bíla tæki og tól og er því mikið orkusparandi og skipar því stóran sess í orkuskiptum. Við framleiðum ál með vistvænum hætti (rafmagni) og ættum að framleiða meira. Í Kína er ál framleitt í stórum orkuverum sem brenna kolum. – Búum við ekki á sömu plánetu?
Bókun 35, sem Bjarni er ekki alltof hrifinn af (er ekki ríkisstjórnin með þetta mál?), er hún ekki bara til þess að fullnægja skyldum okkar gagnvart EES sem við erum aðilar að og verðum að fullnægja? Og er ekki ESA búið að senda íslenska ríkinu áminningarbréf vegna ófullnægjandi vinnubragða?
Ég sé hvergi í Bókun 35 að það eigi að leggja sæstreng til Íslands eða Evrópusambandið geti komið hingað með streng og bara stungið í samband. Það hlýtur að þurfa eitthvað meira til.
Þá er einnig getið í ályktun að samningsaðila sé ekki gert að framselja löggjafavald til stofnana Evrópska efnahagssvæðisins.
Fram kemur í skýrslu starfshóps vegna innleiðingar Íslands að Bókun 35 að í ýmsum tilvikum hjálpi það fyrirtækjum og hinum almenna borgara að gæta réttar síns svo sem í tollamálum og fleiru þar sem íslensk lög stangast á við lög EES sem við erum aðilar að.
Þá kemur einnig fram í skýrslu starfshóps að norska þingið getur vikið frá þessum reglum í einstökum tilvikum eða afnumið þær með öllu. Reglan tryggi því ekki fortakslaust forgang innleiddra EES-reglna að norskum rétti. Sama ætti að gilda fyrir Ísland.
Sauðárkróki 29. september 2024.
Steinar H Skarphéðinsson.
Fleiri fréttir
-
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira -
Mynd Óskars Páls, Árnar þagna, sýnd í Króksbíó
feykir.is Skagafjörður, Listir og menning, Lokað efni 22.11.2024 kl. 09.00Óskar Páll Sveinsson ætlar að koma á heimaslóðir og bjóða Skagfirðingum í bíó. Næstkomandi mánudag kl. 20. sýnir hann í Sauðárkróksbíói heimildamyndina Árnar þagna sem fjallar um áhrif sjókvíaeldis á laxi á lífríki og afkomu fjölskyldna í sveitum Íslands og Noregs sem hafa byggt lífsafkomu sína á hlunnindum af sjálfbærum stangveiðum í margar kynslóðir.Meira -
Þjóðarsátt um landbúnað til framtíðar | Guðmundur Hrafn Arngrímsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 08.30Landbúnaður og matvælaframleiðsla er elsta athafnasemi íbúa landsins og önnur af mikilvægustu atvinnugreinum þjóðarinnar, ásamt sjávarútvegi. Landbúnaður er í senn undirstaða byggðar í landinu, gríðarlega mikilvægur fyrir fæðuöryggi þjóðarinnar og lífstíll þeirra sem hann stunda. Þess vegna er mikilvægt að um landbúnað og matvælaframleiðslu ríki þjóðarsátt.Meira -
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira -
Rætt við Grím Rúnar í tilefni 100 ára afmælishátíðar Hvatar á laugardaginn
feykir.is Austur-Húnavatnssýsla, Listir og menning, Lokað efni 21.11.2024 kl. 14.46Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.