Villibráð og súkkulaðidöðluterta með bananarjóma
Mikael Þór Björnsson og Sólrún Guðfinna Rafnsdóttir á Hvammstanga eru matgæðingar vikunnar og bjóða upp á dýrindis villibráð enda segir Sólrún húsbóndann mjög duglegan að veiða til matar og er villibráðin af ýmsum stærðum og gerðum.
Forréttur
Grafnar gæsabringur
- 6 msk gróft salt
- 3 msk sykur
- 3 msk söxuð fersk steinselja (eða þurrkuð)
- 1 msk piparbland
- 2 msk timian
- 1 saxað hvítlauksrif
- 6 – 8 einiber, brytjuð
Öllu blandað saman og bringurnar settar í form og þaktar með saltblöndunni. Bringurnar eru látnar liggja í blöndunni í 1 ½ sólarhring. Gott er að snúa bringunum nokkrum sinnum til að þær „grafist jafnt“. Þegar bringurnar eru tilbúnar er gott að skafa af þeim mesta saltið og frysta þær. Svo eru þær skornar mjög þunnt niður og eru svakalega góðar með rauðlaukssultu, klettasalati og snittubrauði – „Pörfekt“ forréttur :O)
Rauðlaukssulta
- 500 g rauðlaukur
- 2 msk olía
- ½ dl sykur
- 2 dl rifsberjahlaup
- 2 dl vatn
- 2 msk rauðvínsedik
- ½ dl púrtvín
- Salt og pipar
Olía er sett í pott ásamt rauðlauk, látið mýkjast vel upp. Öllu hinu er blandað saman við og látið malla í 1 klukkustund. Sultan er bæði góð heit og köld.
Aðalréttur
Hreindýragúllassúpa
- 600 g hreindýragúllas (má nota annað kjöt)
- 2 saxaðir laukar
- 3 hvítlauksrif, pressuð
- 3 msk olía til steikingar
- 1 ½ msk paprikuduft
- 1 ½ líter vatn
- 3 – 4 msk kjötkraftur (eða 3 - 4 teningar)
- 1 tsk Cumin duft
- 1 – 2 tsk majoram
- 700 g kartöflur, flysjaðar og skornar í bita
- 2 – 3 gulrætur, flysjaðar og skornar í bita
- 2 paprikur skornar í bita
- 1 dós niðursoðnir maukaðir tómatar
# Kjöt, laukar og hvítlaukur steikt í olíunni í potti.
# Paprikudufti stráð yfir kjötið og vatni bætt út í ásamt kjötkrafti, cumini og majormai. Látið sjóða við vægan hita í 40 mín.
# Grænmeti bætt út í pottinn og látið sjóða við vægan hita í 30 mín.
# Krydda meira ef þarf...
Eftirréttur
Súkkulaðidöðluterta með bananarjóma
- 4 egg
- 150 g sykur
- 50 g hveiti
- 1 tsk lyftiduft
- 100 g suðusúkkulaði
- 100 g döðlur
Egg og sykur hrært vel saman og hveiti og lyftiduft sett varlega saman við. Síðast er suðusúkkulaðið og döðlurnar settar saman við. Bakað í tveimur hringlaga formum í 15 – 20 mín við 180°C
Krem:
- 3 eggjarauður
- 4 msk flórsykur
- 100 g suðusúkkulaði (brætt)
- ½ lítri rjómi, þeyttur
- 2 bananar
# Eggjarauður og flórsykur hrært vel saman, síðan er suðusúkkulaðinu bætt út í ásamt ca. 3 - 4 kúfaðar msk. þeyttur rjómi.
# Bananar stappaðir í frumeindir og hrærðir saman við þeytta rjómann.
# Ofan á neðri botninn kemur helmingur af kreminu, þar ofan á kemur bananarjóminn og svo botninn...Þar ofan á kemur svo rest af kremi :O)
Verði ykkur að góðu!
(Áður birst í 13. tbl. Feykis 2010)
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.