Vill sjá nýsköpun, grósku og eldmóð á nýju ári
Katrín M Guðjónsdóttir tók við af Unni Valborgu Hilmarsdóttur sem framkvæmdastjóri SSNV í sumar. Katrín er viðskipta- og markaðsfræðingur en hún flutti norður í land í sumar en eiginmaður hennar, Pétur Arason, var ráðinn sveitarstjóri Húnabyggðar. Katrín gerir upp árið í Feyki.
Hver er maður ársins? Guðmundur Haukur Jakobsson forseti bæjarstjórnar Húnabyggðar. Hann hélt samfélaginu saman í mjög erfiðum aðstæðum á Blönduósi. Hann var til staðar og þurfti að fara í fjölmörg ný hlutverk við kerfjandi aðstæður sem hann var nátengdur við.
Hver var uppgötvun ársins? Ég er nýflutt á Norðuland vestra og hef satt að segja ekki búið á landsbyggðinni áður. En fyrir mér hefur opnast nýr og stór ævintýraheimur sem ég hlakka til að kynnast miklu betur og nýta til alls kyns útivistar í góðum félagskap. Fólk á landsbyggðinni býr yfir krafti sem er hvetjandi og nærandi.
Hvað var lag ársins? Það er erfitt að velja eitt lag. Ég er alæta á tónlist og hlusta mikið. Ég ætla að nefna Upp á rönd sem kom út á smáskífu í ár. Flytjendur Hjálmar & GDRN. Stemming og drami er alltaf góð blanda, flott samstarf hjá þeim.
Hvað var broslegast á árinu? Snjórinn sem tók við mér fyrir sunnan í lok desember. Það var búið að segja við mig þegar ég flutti norður að ég hefði aldrei séð alvöru snjó. Fyrir sunnan þurfti ég að moka mig bæði inn og út úr húsi. Ég er spennt að upplifa norðlenskan vetur og er komin með árskort í Tindastól.
Hvers er eftirminnilegast frá árinu 2022 – eða best? Tek við starfi framkvæmdastjóra SSNV sem boðaði ný ævintýri, upplifanir og nýtt heimili. Annað skemmtilegt voru árlegar stóðréttir, fjallaferðir og skíðaferð til Ítalíu.
Varp ársins (sjónvarp/útvarp/hlaðvarp)? Hlaðvarp Snorra Björns. Ég hlusta mikið á það hlaðvarp, þar fær Snorri til sín áhugavert fólk sem hefur sögur að segja.
Hverju viltu skella á brennuna og hvers vegna? Verðbólgunni! Held ég þurfi ekki að útskýra það frekar.
Hvað viltu sjá gerast árið 2023? Nýsköpun, grósku og eldmóð!
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.