Víðidalstungukirkja 120 ára
Haldið verður upp á 120 ára afmæli Víðidalstungukirkja með hátíðamessu 8. nóvember kl 14:00. Kirkjukaffi verður í Víðihlíð eftir messu. Á meðan setið verður yfir borðum verður boðið upp á dagskrá sem ýmsir taka þátt í.
Sögulegur fróðleikur um Víðidalstungkirkju
Lengi framan af öldum voru kirkjur á Íslandi jafnan í umsjá og á ábyrgð prests eða kirkjubónda, sem fékk þó eitthvað greitt í fríðu frá sóknarfólki. Þetta tók að breytast þegar sóknarnefndir voru stofnaðar uppúr árinu 1880. Sóknarnefnd Víðidalstungukirkju tók við kirkju og garði 1885 og hófst þegar handa við að koma upp nýrri timburkirkju, sem þá voru mjög að ryðja sér til rúms. Fenginn var reyndur kirkjusmiður úr Borgarfirði, Halldór Bjarnason, sem meðal annars byggði Reykholtskirkju hina gömlu, og síðar Staðarbakkakirkju. Samtals reisti hann sjö kirkjur og lagfærði aðrar níu, auk þess að smíða 80 bæi, 14 vatnsmyllur og 302 líkkistur á langri ævi. Kirkjurnar hannaði hann sjálfur og hefur verið bent á að Dómkirkjan í Reykjavík kemur sterkt inn sem fyrirmynd Halldórs, og er ekki leiðum að líkjast. Bygging kirkjunnar tafðist nokkuð sökum þess að hafís stöðvaði efnisöflun um tíma. Veturinn 1888-89 var gamla kirkjan rifin, og þá dró Kristján Jónsson að grjót í grunn en Þorsteinn Hjálmarsson í Hvarfi smíðaði alla bolta, vinkla, vindhana og skar gler í glugga. Sjálf kirkjusmíði hófst í júní og varð hún tilbúin á fimm mánuðum, máluð og fullbúin. Hjörleifur Einarsson prófastur vígði kirkjuna 17. nóvember 1889.
Fleiri fréttir
-
Dagur Þór heiðraður með Silfurmerkinu
feykir.is Skagafjörður, Íþróttir, Lokað efni 17.03.2025 kl. 12.24Þann 15. mars sl. fór fram Körfuknattleiksþing KKÍ á Grand Hótel í Reykjavík en þingið er haldið annað hvert ár. Á þessu þingi sitja fulltrúar frá aðildarfélögum og sambandsaðilum KKÍ og er stjórn KKÍ kosin á þessu þingi. Þá eru einnig veitt heiðursviðurkenningar og var Dagur Þór Baldvinsson, formaður Körfuknattleiksdeildar Tindastóls, heiðraður með Silfurmerkinu að þessu sinni. Þeir sem hljóta Silfurmerkið þurfa að hafa unnið vel og dyggilega að eflingu körfuknattleiksíþróttarinnar í áratug eða lengur. Feykir óskar Degi til hamingju með viðurkenninguna.Meira -
Tómar tilviljanir urðu til þess að Andri Már er óvart kominn með hljómsveit í Mexíkó
feykir.is Skagafjörður, Listir og menning, Lokað efni 15.03.2025 kl. 22.41„Veðrið er frábært! Núna er klukkan átta að morgni og hitinn er um 10 gráður, svo fer hitinn upp í 25-30 gráður yfir daginn svo það er eins gott að eiga góðan kúrekahatt til að skýla sér fyrir sólinni,“ segir Andri Már Sigurðsson, tónlistarmaður og Króksari í Mexíkó, þegar Feykir tekur hann tali og byrjar að sjálfsögðu á því að spyrja um veðrið. Viðtalið snýst þó ekki um veður, heldur tónlist og hvernig Andri Már stofnaði óvart hjómsveit í MexíkóMeira -
Gestirnir höfðu betur í baráttuleik
feykir.is Skagafjörður, Íþróttir, Lokað efni 15.03.2025 kl. 21.28Það var boðið upp á markaveilsu í blíðunni á Króknum í dag þegar lið Tindastóls tók á móti sameinuðu liði Hattar/Hugins að austan í Lengjubikarnum. Jafnt var í hálfleik, 1-1. en fjör færðist í markaskorunina í síðari hálfleik og fór svo á endaum að gestirnir unnu leikinn 3-4 eftir mark í uppbótartíma.Meira -
Það er sjö stiga hiti í veðurkortunum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 15.03.2025 kl. 21.21Það er ekki ólíklegt að flestir aðrir en skíðavinir gleðjist yfir veðurspánni næstu daga. Það eru vorhlýindi í kortunum og stöðugleikinn svo einstakur að sumir gætu jafnvel haldið að vefur Veðurstofunnar væri bilaður – þannig er til dæmis spáð sjö stiga hita á hádegi á Sauðárkróki næstu fimm daga eða alveg fram á fimmtudag hið minnsta.Meira -
Stefnt að endurnýjun rafkerfisins í kirkjugarði Blönduóss
feykir.is Austur-Húnavatnssýsla, Mannlíf 15.03.2025 kl. 21.19Húnahornið segir frá því að á aðalfundi Kirkjugarðs Blönduóss, sem fram fór 12. mars síðastliðinn, var samþykkt að á næstu þremur árum yrði unnið að endurnýjun rafmagnskerfisins í kirkjugarðinum og að sett yrði upp tenglahús fyrir jólaljósin. Þá var samþykkt að ganga frá göngustígum í nýjasta hluta garðsins og setja mottur, eins og eru á stígunum sem liggja í gegnum garðinn. Lausleg kostnaðaráætlun vegna þessara framkvæmda er um átta milljónir króna.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.