Velferðastjórn?
Áhrifa hinnar norrænu „velferðastjórnar“ Samfylkingar og Vinstrihreyfingarinnar græns framboðs er nú þegar farið að gæta. Þegar frumvarp til fjárlaga var lagt fram var ljóst að íbúar landsbyggðinnar áttu að blæða fyrir þensluna sem þeir kynntust ekki. Þrátt fyrir kröftug mótmæli ákvað hin norræna „velferðastjórn“ að höggva þar sem síst skyldi og breyta ekki frumvarpinu.
Áhrifa stjórnarstefnu „velferðastjórnarinnar“ er farið að gæta þar sem uppsagnir eru á heilbrigðisstofnunum, hjúkrunarheimilum lokað, vegaframkvæmdir frystar svo eitthvað sé nefnt. Að ekki sé talað um óvissuna sem „velferðastjórnin“ hefur skapað varðandi undirstöðuatvinnugreinar þjóðarinnar. Vera má að frjálshyggjan hafi strandað en hún er þá væntanlega á sömu eyðiey og sósíalisminn. Heiðarleiki, skynsemi, samvinna og hógværð mun mestu skipta á næstu árum þegar hið nýja Ísland er mótað. Átök milli frjálshyggju og sósíalisma munu engu skila.
Hjá Heilbrigðisstofnuninni á Blönduósi hafa fjórtán starfsmenn fengið uppsagnarbréf en um leið boð um endurráðningu með styttri vinnutíma. Fram hefur komið að sparnaðaraðgerðirnar muni hafa áhrif á þjónustu stofnunarinnar sem kemur ekki á óvart, verið er að skerða þjónustuna. Á Sauðárkróki mun stöðugildum fækka, fæðingadeildinni verður lokað og ýmis önnur þjónusta skerðast. Allar fæðingar munu því fara fram á Akureyri eða í Reykjavík með öllu því óhagræði sem af því hlýst. Á Flateyri á að loka Hjúkrunarheimilinu Sólborg og flytja íbúana gegn vilja sínum í aðrar sýslur, allt í nafni sparnaðar að kröfu „velferðastjórnarinnar“. Það er einkennilegt að öll loforðin og ræðurnar sem ráðherrar og þingmenn Samfylkingar og Vinstri grænna hafa haft uppi eru nú öll gleymd.
Er það virkilega þannig að stjórnvöld hafa gefist uppá fólkinu sem býr á hjúkrunarheimilunum eða þarf á þjónustu heilbrigðisstofnanana að halda og fara þess vegna fram með ósanngjarnar kröfur. Heilbrigðisráðherra hefur væntanlega ekki heimsótt þessara stofnanir og veit því ekki hversu mikilvægu hlutverki þær gegna í hverju samfélagi.
Forveri Álfheiðar Ingadóttur heilbrigðisráðherra dró til baka þær ákvarðanir sem heilbrigðisráðherra Sjálfstæðisflokksins hafði tekið og vonuðust íbúar og starfsmenn eftir því að hlustað yrði á þeirra tillögur og óskir. Heilbrigðisráðherra hinnar „norrænu velferðastjórnar“ , Álfheiður Ingadóttir hlustar hins vegar ekki, hún fer sínu fram hvað sem fólkið segir.
Ég get ekki annað en hvatt íbúa landsbyggðarinnar til að mótmæla hástöfum aðför ríkisstjórnarinnar að byggðlögunum þar sem við viljum búa. Nú er vegið að undirstöðum samfélaganna með því að skerða grunnþjónustuna. Velferðastjórn er því í besta falli blekking.
Gunnar Bragi Sveinsson
Alþingismaður.
Fleiri fréttir
-
Tómar tilviljanir urðu til þess að Andri Már er óvart kominn með hljómsveit í Mexíkó
feykir.is Skagafjörður, Listir og menning, Lokað efni 15.03.2025 kl. 22.41„Veðrið er frábært! Núna er klukkan átta að morgni og hitinn er um 10 gráður, svo fer hitinn upp í 25-30 gráður yfir daginn svo það er eins gott að eiga góðan kúrekahatt til að skýla sér fyrir sólinni,“ segir Andri Már Sigurðsson, tónlistarmaður og Króksari í Mexíkó, þegar Feykir tekur hann tali og byrjar að sjálfsögðu á því að spyrja um veðrið. Viðtalið snýst þó ekki um veður, heldur tónlist og hvernig Andri Már stofnaði óvart hjómsveit í MexíkóMeira -
Gestirnir höfðu betur í baráttuleik
feykir.is Skagafjörður, Íþróttir, Lokað efni 15.03.2025 kl. 21.28Það var boðið upp á markaveilsu í blíðunni á Króknum í dag þegar lið Tindastóls tók á móti sameinuðu liði Hattar/Hugins að austan í Lengjubikarnum. Jafnt var í hálfleik, 1-1. en fjör færðist í markaskorunina í síðari hálfleik og fór svo á endaum að gestirnir unnu leikinn 3-4 eftir mark í uppbótartíma.Meira -
Það er sjö stiga hiti í veðurkortunum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 15.03.2025 kl. 21.21Það er ekki ólíklegt að flestir aðrir en skíðavinir gleðjist yfir veðurspánni næstu daga. Það eru vorhlýindi í kortunum og stöðugleikinn svo einstakur að sumir gætu jafnvel haldið að vefur Veðurstofunnar væri bilaður – þannig er til dæmis spáð sjö stiga hita á hádegi á Sauðárkróki næstu fimm daga eða alveg fram á fimmtudag hið minnsta.Meira -
Stefnt að endurnýjun rafkerfisins í kirkjugarði Blönduóss
feykir.is Austur-Húnavatnssýsla, Mannlíf 15.03.2025 kl. 21.19Húnahornfið segir frá því að á aðalfundi Kirkjugarðs Blönduóss, sem fram fór 12. mars síðastliðinn, var samþykkt að á næstu þremur árum yrði unnið að endurnýjun rafmagnskerfisins í kirkjugarðinum og að sett yrði upp tenglahús fyrir jólaljósin. Þá var samþykkt að ganga frá göngustígum í nýjasta hluta garðsins og setja mottur, eins og eru á stígunum sem liggja í gegnum garðinn. Lausleg kostnaðaráætlun vegna þessara framkvæmda er um átta milljónir króna.Meira -
Njarðvíkingar brugðu fæti fyrir lið Tindastóls
feykir.is Skagafjörður, Íþróttir, Lokað efni 14.03.2025 kl. 09.48Tindastólsmenn spiluðu í gær við lið Njarðvíkur í spunkunýju Ljónagryfjunni í næstsíðustu umferðinni í Bónus deildinni þennan veturinn. Umræðan hjá spekingum hefur mestmegnis verið á þá leið að það væri nánast formsatriði fyrir Stólana að tryggja sér deildarmeistaratitilinn en útileikur í Njarðvík og heimaleikur gegn Val eru ekki beinlínis léttasta leiðin að deildarmeistaratitlinum þegar allt er í járnum. Það fór svo að Njarðvíkingar voru frískari og þá sér í lagi byrjunarlið þeirra sem skoraði öll stig liðsins utan einhverra sex sem SnjólfurStefánsson gerði. Lokatölur voru 101-90.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.