Veiruskita í kúm veldur gríðarlegu tjóni austan Tröllaskaga
Vikublaðið á Akureyri greindi frá því í síðasta blaði að tugmilljónatjón hafi orðið vegna smitandi veiruskitu sem herjað hefur á kúabú í Eyjafirði og S-Þingeyjarsýslu en alls eru um 80 kúabú í Eyjafirði og um 40 í S-Þingeyjarsýslu. Haft er eftir Sigurgeir Hreinssyni, framkvæmdastjóra Búnaðarsambands Eyjafjarðar, að veiran hagi sér með svipuðum hætti og kórónuveiran geri gagnvart mannfólki og séu dæmi þess að hún hafi borist inn á bæi í allt að þrígang yfir ákveðið tímabil.
Sigurgeir segir í fréttinni að veiran hafi verið í gangi með stuttum hléum frá því síðla árs 2021 og hafi hún haft viðkomu á nánast hverjum bæ á svæðinu. „Hlé varð í skamma stund en um miðjan desember fór að bera á veirunni á ný í Þingeyjarsýslu. Í upphafi þessa árs barst hún yfir í Eyjafjörð og fór með undraverðum hraða milli bæja.“
Í svari Sigríðar Björnsdóttur, héraðsdýralæknis NV- umdæmis, við fyrirspurn Feykis, segist hún hún ekki hafa fregnir af því, að þetta alvarlega form af veiruskitu, sem gengið hefur í NA umdæmi, sé á Norðurlandi vestra. Bendir hún þó á að sjúkdómurinn sé ekki tilkynningaskyldur þannig að nákvæmar upplýsingar séu ekki fyrir hendi aðrar en þær að um landlægan sjúkdóm er að ræða.
„Engu að síður vil ég brýna fyrir bændum að verja sín bú fyrir smiti með því að hafa stígvél og annan hlífðarfatnað frá búinu tiltækan fyrir alla þjónustuaðila og aðra sem heimsækja búin. Einnig þurfa bændur að hafa varann á sér gagnvart flutningi á tækjum og gripum milli búa.
Parainflúensa í nautgripum er öndunarfærasjúkdómur sem greinst hefur samhliða veiruskitunni í einhverjum tilfellum en útbreiðsla sjúkdómsins er að öðru leyti lítt þekkt hér á landi. Sömu reglur um smitvarnir gilda gagnvart þeim sjúkdómi. Skilaboðin eru: Bóndi ver þitt bú.“
Sigríður hefur eftir Atla Traustasyni, sæðingamanni í Skagafirði, að hann hafi ekki fregnir af því að veiruskita sé að ganga hér í Skagafirði eins og staðan sé og telur að veikin sé ekki í gangi í Húnavatnssýslum heldur.
Fleiri fréttir
-
Björgunarsveitin Strönd aðstoðaði fasta ökumenn á Þverárfjalli
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 09.02Seint í gærkvöldi var björgunarsveitin Strönd á Skagaströnd kölluð út vegna sex bíla sem sátu fastir í snjó á Þverárfjalli. Í tilkynningu frá Landsbjörg segir að björgunarsveitarfólk hafi farið úr húsi rétt um hálf tólf og var búið að losa alla bíla um 50 mínútum síðar.Meira -
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.