Vegan hamborgari með bjórsteiktum lauk og vegan Oreo ostakaka
Það er alltaf gaman að prufa eitthvað nýtt og hérna kemur uppskrift af einum geggjuðum vegan hamborgara ásamt vegan oreo ostaköku. Mæli með að prufa...
AÐALRÉTTUR
Hamborgari með bjórsteiktum lauk - 4 stk hamborgarar
440 g formbar hakkið frá Anamma – fæst í Hagkaup og Bónus
1 msk. laukduft
1 msk. hvítlauksduft
1-2 tsk. sojasósa
1 tsk. gróft sinnep eða dijon sinnep
2 tsk. kjöt og grillkrydd
salt og pipar
BBQ sósa til að pensla yfir (má sleppa)
Aðferð: Takið hakkið úr frysti u.þ.b. klukkutíma áður en matreiða á borgarana. Setjið öll kryddin út í þegar hakkið hefur aðeins fengið að þiðna. Mótið fjögur buff úr hakkinu (u.þ.b. 110 g hvert buff) og steikið eða grillið í nokkrar mínútur á hvorri hlið. Pennslið með BBQ sósu áður en borgararnir eru matreiddir ef þið kjósið.
Vegan hamborgarasósa:
1 til 1 og 1/2 dl vegan majónes
1/2 dl tómatsósa
1/2 dl mjög smátt saxaðar súrar gúrkur
1 tsk. paprikuduft
1 tsk. hvítlauksduft
1 tsk. laukduft
salt
Aðferð: Allt sett í skál og hrært saman.
Bjórsteiktur laukur:
2 stórir laukar
1 msk. sykur
1 msk. soyasósa
salt og pipar
2-3 msk. bjór
Aðferð: Skerið laukana í frekar þunnar sneiðar. Steikið laukinn upp úr smá olíu þar til hann fer að brúnast vel. Bætið við salti og pipar, sykri og soyasósu og steikið í nokkrar mínútur í viðbót. Bætið bjórnum út í og steikið í góðar 5 til 10 mínútur. Hamborgarabrauðið er frá Gæða bakstri og er vegan. En svo er bara að láta hugmyndaflugið ráða þegar velja á áleggið en á þessum borgara má einnig sjá hvít-lauksmæjónes (hvíta sósan), tómata og kál.
EFTIRRÉTTUR 
Frosin ostakaka með Oreo botni
20 stk Oreo kexkökur
70 g bráðið vegan smjör (notið hvaða vegan smjör sem er, t.d. Ljóma smjörlíki)
1 þeytirjómi frá Alpro (2 dl)
2 öskjur Påmackan rjómaosturinn frá Oatly (300g)
1 og 1/2 dl sykur
1 msk. vanillusykur
2-3 msk. kalt uppáhellt kaffi (fer alfarið eftir því hversu mikið kaffibragð þið viljið hafa)
Aðferð: Myljið niður Oreo kexið. Hellið muldu kexinu í skál. Bræðið smjörið, hellið því ofan í skálina og blandið vel saman við kexið með sleif. Hellið blöndunni í 20 cm smelluform og þrýstið vel í botninn. Setjið formið í frystinn á meðan þið undirbúið fyllinguna. Þeytið rjómann í stórri skál og leggið til hliðar. Bætið restinni af hráefnunum í aðra stóra skál og þeytið saman. Bætið þeytta rjóm-anum út í skálina og þeytið allt saman í nokkrar sekúndur, eða þar til allt er vel blandað saman. Hellið blöndunni ofan í smelluformið og setjið í frystinn yfir nótt eða í allavega fjóra klukkutíma. Toppið kökuna með því sem ykkur lystir. Gott er að láta kökuna standa í nokkrar mínútur áður en hún er borin á borð, best ísköld.
Verði ykkur að góðu
Sigga sigga sigga
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.